филиал вгтрк государственная телерадиовещательная компания “Алания”

01:32 воскресенье, 29 ноября 2020
22 октября 2020, 13:13
26
Цæгат Ирыстоны райдыдта хъармгæнæн сезон

Цæгат Ирыстоны райдыдта хъармгæнæн сезон. Уый размæ та разамынддæттæг компанитæн бацамыдтой, цæмæй сбæрæг кæной хъармгæнæн системæйы уавæр. Куыд рабæрæг, афтæмæй ис къуылымпытæ. Бæлвырддæр та — хъарм се ппæт хæдзæрттæм нæ хæццæ кæны. Цы у йæ аххосаг, æмæ куыд бацæттæ кодтой хъармгæнæнтæ уазæлтты ралæудмæ, уый сбæрæг кæныны тыххæй адæм курдиат барвыстой Æппæтуæрæсеон адæмон фронты регионалон хайадмæ. Йæ активисттимæ рейды рацыд нæ уацхæссæг Томайты Батраз дæр, æмæ йын ныхасы бар.

Дыууæ къуырийы размæ Дзæуджыхъæуы Герцены уынджы 3-уæладзыгон хæдзары пъадвалы атыдта хæтæл. Уый рауад, хъармгæнæн системæ куы скусын кодтой, уæд. Афтæмæй рабæрæг кодтой аиппытæ. Хæдзары цæрджытæ сæмбырд кодтой æхца ног хæтæлтæн æмæ сæ балхæдта разамынддæттæг компани. Фæлæ цалцæггæнæн куыстытæм æвæстиатæй нæ бавнæлдта. Бынæттон цæрджытæ дæр сæм æнхъæлмæ нал фæкастысты æмæ сæ хъаст бахастой Æппæтуæрæсеон адæмон фронты регионалон хайадмæ.  

Зын бауырнæн у, фæлæ хъуыддаг рауад афтæ, æмæ разамынддæттæг компани цалцæггæнæн куыстытæм бавнæлдта знон райсомæй. Ивынц хъармгæнæн системæйы хæтæлтæ. Æппæтуæрæсеон адæмон фронты минæвæрттæ бацыдысты хъармгæнæнмæ, цæмæй сæхи цæстæй феной, системæ куыд кусдзæн, уый.

Сæ фатерты температурæ тыхсын кæны Леоновы уынджы дыууæ хæдзары цæрджыты дæр. Иуæй-иу фатерты батарейтæ сты хъарм, иннæты та ныридæгæн дæр сты уазал.

Йæ аххосаг у хуымæтæг — разамынддæттæг компанийы бæрнон кусæг ферох кодта хъармгæнæн системæйы кусæнграз байгом кæнын. Сæйраг хæтæл дæр баивтой ацы аз. Сыхаг хæдзармæ та хъармгæнæнæй тæвд къуылымпытимæ хæццæ кæны. Уымæн æмæ хæтæл æххæстæй изоляцигонд не рцыд. Гагкайы-фырты уынджы хъармгæнæнмæ та Æппæтуæрæсеон адæмон фронты эксперттæ фиппаинæгтæ не рхастой. 

Уæвгæ, адæмон фронты регионалон штабы уæнгтæ куыд зæгъынц, афтæмæй арæх адæм коммуналон лæггæдтæн цас фидынц, уыйбæрц хъарм нæ исынц. Уый та арæх вæййы разамынддæтттæг компанийы аххос.

Æппæтуæрæсеон адæмон фронты инспекцийы фæстæ сбæрæг, Герцены уынджы хæдзармæ хæстæгдæр рæстæг æрбацæудзæн цалцæггæнæн бригад. Уазæлттæ райдыдтой, уымæ гæсгæ бæрнон кусджытæ хъуамæ æппæт фарстатæм дæр лæмбынæг кæсой.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: