филиал вгтрк государственная телерадиовещательная компания “Алания”

13:11 четверг, 28 марта 2024
17 декабря 2019, 17:10
Цæгат Ирыстоны рухс федта ног чиныг «Дзорæн Дигоронау»

Уæлдай тынгдæр ыл бацин кодтой Турчы цæрæг Ирыстонæй рацæуджытæ

Алы хæдзары дæр – пайдайаг, алы кары адæмæн дæр – хъæугæ. Цæгат Ирыстоны хæзнадон та фæхъæздыгдæр ног чиныгæй. «Дзорæн Дигоронау» рухс федта æрæджы, фæлæ ныридæгæн, апарахат адæмы хсæн. Уæлдай тынгдæр ыл бацин кодтой Турчы цæрæг Ирыстонæй рацæуджытæ.

Мадæлон æвзаг ма ферох кæныныл бирæ ныхас цæуы, фæлæ ма уымæй уæлдай хъæуы аразын мадзæлттæ æмæ гæнæнтæ. Профессор Хъамболты Тамерлан ацы фарстайыл кусы бирæ азты, æмæ йæ фæрцы рухс федтой мадæлон æвзаджы райрæзтæн пайдайаг чингуытæ.

Тамерлан йæ радон хъуыды цардмæ рахаста. Йæ зæрдиаг куысты фæрцы ныр дыгуронау дзурын кæй фæнды, уыдоны бон суыдзæн йæ радон чиныг «Дзорæн Дигоронау»-ы фæрцы базонын æвзаг. Цæмæй уыцы хъуыддаг къухы æнцондæртæй æфта, уый тыххæй та дзы ис сæрмагонд сюжет.

Ацы чиныг æхсæнадæн пайдайаг кæй у, уый гуырысхойаг кæй нæу, уый тыххæй зæгъынц æвзагзонынады дæснытæ.

Хъамболы-фырт куыд зыгъы, афтæмæй фидæны фæнд кæнынц чиныг ирон æвзагмæ ратæлмац кæнын, уый фæстæ та ма, гæнæн ис, æмæ рацауа англисагау дæр. Уæвгæ йæ рауадзын къухы бафтыд зæрдæхæлар адæмы фæрцы.

Мидисджын, канд Ирыстоны цæрджытæ нæ, фæлæ ма æндæр бæстæты цæрæг ирæттæ кæмæ æнхъæлмæ кастысты, уыцы чиныг ары йæ кæсджыты, æвзагмæ куыдфæндыйы цæстæй чи нæ кæсы, уыдоны.

vgtrk_alania
vgtrk_alania
vgtrk_alania
vgtrk_alania