Куыд фæбæрæг кодтой, афтæмæй 2019-æм азы дарддæр æххæст кодтой, Владимир Путин майы указты цы хæстæ сæвæрдта, уыдон
Республикæйы хицауады ивгъуыд азы куысты бæрæггæнæнтыл æмæ 2020-æм азмæ нысантыл æрдзырдтой Цæгат Ирыстоны Сæргълæууæг Битарты Вячеслав æмæ хицауады сæрдар Тускъаты Таймураз. Куыд фæбæрæг кодтой, афтæмæй 2019-æм азы дарддæр æххæст кодтой, Владимир Путин майы указты цы хæстæ сæвæрдта, уыдон. Республикæйы разамонæг куыд бафиппайдта, афтæмæй национ проектты фæрцы сæххæст кодтой, бирæ азты æнæххæстгонд чи уыд, уыцы нысантæ. Тускъаты Таймураз та фехъусын кодта, ахуырад, медицинæ æмæ культурæйы куыстуæтты материалон бындур кæй фæхуыздæр кодтой, стæй ног социалон объекттæ кæй сарæзтой, уый тыххæй. Ныртæккæ республикæйы разамынд архайы, цæмæй саразой æппæт уавæртæ дæр экономикæйы райрæзтæн, æмæ ног куысты бынæттæ саразынæн. Уый фæрцы сырæздзысты хъалонтæ бюджетмæ. Бафиппаинаг у уый дæр, æмæ ивгъуыд аз фæфылдæр сты æнæбюджетон æфтиæгтæ. Уый фæрцы сæххæст кодтой ахсджиаг социалон программæтæ. Битарты Вячеслав республикæйы хицауадæн бабар кодта, цæмæй 2020-æм азы дарддæр кусой курорт Мамысоны проект æххæст кæныныл.
