Уый тыххæй хъусын кæны республикæйы ахуырады æмæ наукæйы министрад
Цæгат Ирыстоны сбæрæг кодтой скъоладзауты лæвар тæвд хæринаджы номхыгъд. Уый тыххæй хъусын кæны республикæйы ахуырады æмæ наукæйы министрад. 1-æмæй 4-æм къласы онг ахуырдзаутæн дæтдзысты хуыппаг, салаттæ, дзидза æмæ кæсаджы хæринæгтæ. Хауы ма сæм къæдор, дыргътæ æмæ адджын дæттæ. Ацы номхыгъд сфидар кодта ахуырады министрад æмæ Уæрæсейы фæлхасадмæ цæстдард. Бæлвырддæр базонæн ис министрады сæрмагонд сайты. Хæринæгты хæрзхъæддзинад бæрæг кæндзысты ныййарджытæ æмæ æхсæнадон организацитæ. Скъоладзауты тæвд хæринагæй æфсадыны тыххæй фарстатæ раттæн ис ахæм телефонæй Дзæуджыхъæуы цæрджытæн 53-49-40. Хызæг телефонтæй æмæ районтæй та дзурын хъæуы 8-(867 2) 53-49-40. Ацы аз тæвд хæринагæн радих кодтой субсидитæ 161 милуан сомæн.
