Баст у институты 100 азы бонимæ.
Цæгат Ирыстоны социалон æмæ гуманитарон иртæстыты институты йæ куыст райдыдта «21-æм æнусы Нартæиртасыны» конференци. Баст у институты 100 азы бонимæ. 3 боны Уæрæсейы лингвисттæ, историктæ, филологтæ æмæ культурологтæ ныхас кæндзысты нæ рагфыдæлты хæзнатыл. Уыимæ – ахуыргæндтæ кæуыл куыстой, уыдоныл. Нарты кадджытæ сæм кæддæриддæр æвзæрын кодтой стыр цымыдисдзинад. Конференцийы ма æргом аздахдзысты иннæ ахсджиаг темæмæ. Бæлвырддæр та – нартæ иртасыны куыстæн кавказаг республикæты нырыккон цардыл цавæр тæваг ис, ууыл. Уымæй дарддæр ма снысан кæндзысты фидæны куысты пълан дæр. Цæгат Ирыстоны социалон æмæ гуманитарон иртæстыты институты кусджыты хъуыдымæ гæсгæ, ахуырадон объект йæ бындурæвæрдæй фæстæмæ æмбырд кæны нарты тыххæй æрмæг. Уыимæ канд кадджыты кой нæ кæнынц, фæлæ ма нарты мифологийы кой дæр. Абон конференци уымæн ирд æвдисæн.
