Уый тыххæй журналисттæн брифингы рæстæг фехъусын кодта республикæйы хъæууонхæдзарады министр Уазиты Хъазыбег.
Цæгат Ирыстоны равдыстадон стенд банымадтой Æппæтуæрæсон агропромышленон равдыст «Сызгъæрин фæззæджы» хуыздæрыл.
Уый тыххæй журналисттæн брифингы рæстæг фехъусын кодта республикæйы хъæууонхæдзарады министр Уазиты Хъазыбег. Адæмон хæдзарады æнтыстдзинæдты æппæтуæрæсеон равдысты уазджыты размæ нæ регион рахаста хъæууон хæдзарады фыццаградон къабæзтæ. Цæгат Ирыстоны тыллæг «Сызгъæрин фæззæджы» уыдис дæс сызгъæрины æмæ цыппар æвзист майданы. Иумæйаг экспозици та райста форумы Гран-При. Цæгат Ирыстоны делегаци сарæзта цалдæр ахсджиаг фембæлды, уыдонимæ Росагролизингы æмæ хъæууон хæдзарады министрады департаменты минæвæрттимæ. Бæлвырд æрныхас кодтой хуымзæххытæ донæй бафсадыны системæ сног кæныны æмæ райрæзты фарстатыл. Уæ зæрдыл уын лæууын кæнæм, форум «Сызгъæрин фæззæг» у хъæууон хæдзарады къабазы сæйрагдæр цаутæй иу. Нæ республикæйы стенд саразыныл бакуыста республикæйы равдыстадон æмæ презентацион архайды фонд.
