Йæ архайджытæ æрдзырдтой регионы райрæзты тыххæй, стæй Советы куысты пъланыл
Цæгат Ирыстоны уыд Уырыссаг географион æхсæнады Советы æмбырд. Йæ архайджытæ æрдзырдтой регионы райрæзты тыххæй, стæй Советы куысты пъланыл. Уæлдай æргом здæхт æрцыд географион зонындзинæдтæм. Сæйрагдæр скъолаты географийы уроктæ фæцымыдисагдæр кæнын, бæстæйы наукон-технологон райрæзт хынцгæйæ. Уырыссаг географион æхсæнад, рухстауынады æмæ наукæйы министрæдтимæ цæттæ кæнынц курдиат, цæмæй уæлдæр ахуыргæнæндæдты саразой скъоладзаутæ географи кæм ахуыр кæндзысты ахæм центртæ, уыимæ национ проект «Ахуырад» æххæст кæнæгæйæ. Сæ цыды нысан ма уыд – кæрæдзийы фæртæддзинадимæ базонгæ уæвын æмæ саразын иумæйаг проекттæ. Уый фæдыл та делегаттæн арæзт æцыд туристон цыд Цъæйы коммæ. Уазджытæ сæрмагонд къахвæндагыл схызтысты Цъæйы цъитимæ.