24 января 2020, 17:10
Цæгат Кавказы хæххон металлургон институт сси чемпион
Уæлдæр ахуыргæнæндоны студенттæ уæлахиздзаутæ систы мини-футболæй турниры
Цæгат Кавказы хæххон металлургон институт сси чемпион. Уæлдæр ахуыргæнæндоны студенттæ уæлахиздзаутæ систы мини-футболæй турниры. Ерыстæ арæзт æрцыдысты студенты Æпптæуæрæсеон боны кадæн. Æдæппæтæй турниры архайдтой 8 командæйы республикæйы алы районтæй. Финалы фембæлдысты хæххон металлургон институты æмæ хæххон металлургон техникумы командæтæ. 2:0 хыгъдæй фæуæлахиз институты командæ. Ацы уæлдæр ахуыргæнæндонæй ма уыд иу командæ. Уый та бацахста æртыккаг бынат. турнир саразыныл бакуыста парти «Иугонд Уæрæсе»-йы цæгатирыстойнаг регионалон хайад. Ахæм мадзæлттæ систы традицион иугондуæрæсейæгтæн. Фарон дæр сарæзтой спортивон ерыстæ волейболæй.