03 сентября 2020, 14:33
Цæгат Кавказы суворовон училищæйы курсанттæ архайдтой Владимир Путин кæй сарæзта, уыцы Æппæтуæрæсеон гом урочы
Йæ темæ уыди Фыдыбæстæйы Стыр хæст æмæ йын йæ истори ма ферох кæнын
Цæгат Кавказы суворовон училищæйы курсанттæ архайдтой президент Владимир Путин кæй сарæзта, уыцы Æппæтуæрæсеон гом урочы. Йæ темæ уыди Фыдыбæстæйы Стыр хæст æмæ йын йæ истори ма ферох кæнын. Ног ахуыры аз Дзæуджыхъæуы суворовонтæ райдыдтой училищæйы ног бæстыхайы. Абоны онг кæронмæ фесты фæлладуадзæн бæстыхайы, спортивон комплексы, медицинон пункты æмæ иннæ объектты арæзтад. Ацы аз Суворовон училищæйы хъомылгæнинæгтæ систы 49 адæймаджы. Училищæмæ бацæуыны тыххæй конкурс уыди иу бынатмæ 4 абитуриенты. Бæстæйы 9 регионæй æрæмбырд ис 200 кандидаты.
темæмæ гæсгæ