филиал вгтрк государственная телерадиовещательная компания “Алания”

02:02 пятница, 29 марта 2024
23 января 2020, 17:20
Цæгатирыстойнаг депутаттæ хорзыл банымадтой Адыгейы Парламенты уæнгты закъондæттæг хъæппæрис

Баст у – никотин кæмæ хæццæ кæны, уыцы продукци ласыны æмæ уæй кæнынимæ

Цæгатирыстойнаг депутаттæ хорзыл банымадтой Адыгейы Парламенты уæнгты закъондæттæг хъæппæрис. Баст у – никотин кæмæ хæццæ кæны, уыцы продукци ласыны æмæ уæй кæнынимæ. Ацы темæ ныртæккæ тынг ахсджиаг у æппæт бæстæйы дæр. Кусынц ыл федералон æмвæзадыл. Фæлæ ныридæгæн дæр закъонæвæрынады ис, ацы темæимæ баст бакусинаг хъуыддæгтæ. Уыдонæй арæх пайда кæнынц хицæн уæйгæнджытæ. Уымæ гæсгæ ахæм закъоны проекттыл ныртæккæ кусынц регионты. Ныры онг сæ сфидар кодтой Кæсæг-Балхъары, Стъараполы крайы æмæ Уæрæсейы æндæр субъектты. Ортабайты Тимур куыд фехъусын кодта, афтæмæй Цæгат Ирыстоны уыцы-иу рæстæг ацы хъæппæрисыл куыстой Парламенты закъонæвæрынады комитеты æмæ республикæйы прокуратурæйы. Закъон куы сфидар кæной, уæд уæй кæнæн нал уыдзæн снюс, стæй, никотин кæм ис, ахæм къафеттæ. Закъон уал хорзыл банымадтой фыццаг бакасты. Уый фæстæ йæ æркæсынмæ бахæсдзысты республикæйы Парламенты уæрæхгонд æмбырды боны фæткмæ.

vgtrk_alania
vgtrk_alania
vgtrk_alania
vgtrk_alania