Ныхас цыд профилон ведомствоты ахсджиагдæр фарстатыл.
Хицауады сæрдар Тускъаты Таймуразæн видеоконференцийы хуызы радон кусæг фембæлд уыд культурон бынтæ хъахъхъæныны Комитеты разамонæг Æгайты Эмилия æмæ адæмæн куыст дæттыны Комитеты сæргълæууæг Платы Альбинæимæ. Ныхас цыд профилон ведомствоты ахсджиагдæр фарстатыл. Стыр æргом аздæхтой туристон-рекреацион комплекс «Мамысон»-ы проект царды уадзынмæ. Активон арæзтадон куыстытæ дзы райдайдзысты 2021-æм азы. Уымæ гæсгæ ахсджиаг у æппæт хъуыддæгтæ фæуын, Мамысонгомы цы архитектурæйы цыртдзæвæнтæ ис, уыдон бахъахъхъæныны тыххæй. Уымæй дарддæр ма территорийы хъæуы нырыккон уавæртæ саразын, туристты ргом æрбаздахынæн. Куыст дæттыны комитеты разамонæг та радзырдта æгуыст адæмы нымæцы тыххæй. Афтæ, 1-æм октябрæй фæстæмæ уавæр райдыдта хуыздæрырдæм ивын. Афæдзы райдианæй федералон бюджеты фæрæзтæй æгуыст адæмæн фиддонтæ бафыстой 776 милуан сомæй фылдæрæн. Куысты ныллæууыд 1 932 адæймаджы. Уыдонæй æппынæдзух куысты бынат ссардтой 866-æй. Рæстæгмæ куыст та ссардтой 1066 адæймаджы.
