Нæ бæстæйы минæвæрттæ дзы архайынц 2008-æм азæй фæстæмæ. Цæгат Ирыстоны æвзарæн къæпхæн та арæзт æрцыд фыццаг хатт.
Уæрæсе. Кавказ. Уæллаг Санибайы цæуы машинæтыл цымыдисаг чемпионат. Нæ бæстæйы минæвæрттæ дзы архайынц 2008-æм азæй фæстæмæ. Цæгат Ирыстоны æвзарæн къæпхæн та арæзт æрцыд фыццаг хатт. Уæлахиздзаутæ ацæудзысты финалмæ. Традицимæ гæсгæ уыдзæн Малайзийы. Зæгъын ма хъæуы уый, æмæ чемпионаты уавæртæ арæзт æрцыдысты туристтæн дæр.
Мурат цæттæ у ерыстæм. Машинæ у анкъуысынмæ цæттæ, штурмæн та йæ цæст дары уавæрмæ. Абон цæцæйнаг спортсменты экипаж ерысы фæндагыл араст уыдзысты æстæм хатт. Мурат Цинцаев та фыццаг хатт архайы «Рейн форест челенджы» ерысты. Цæгатирыстойнаг фæндæгтæй командæ нæ тæрсы. Зонгæ йын сты.
ЭР Эф Си-йы Кавказаг къæпхæн Ирыстоны фыццаг хатт сарæзтой. Фæндæгтæ бæстон бацæттæ кодтой. Ерыстæ та сарæзтой уыцы иу рæстæг цалдæр категориты. Уый размæ спортсментæ ахызтысты изæрдалынгты бынат кæй хонынц, уымæй. Дыккаг бон ерыс кодтой рæстæгмæ гæсгæ. Мадзалæн та уыдис дыууæ нысаны — спортивон æмæ туристон.
Нæ респубикæмæ æрбацыдысты дыууын иу командæйы Уæрæсейы алы регионтæй. Ис дзы Дард Скæсæны минæвæрттæ дæр. Æртындæс адæймаджы нæ республикæмæ æрбацыдысты туристон балцæгмæ гæсгæ. Фæстæдæр араст уыдзысты Цæцæнмæ. Уым та ацæудзысты кавказаг къæпхæны кæронбæттæн ерыстæ.
Уæллаг Санибайы фæндаг басæттын сеппæты къухы нæ бафтыд. Ацы къæпхæны уæлахиздзаутæ ацæудзысты Малайзимæ, Гран финалмæ. Хъыгагæн ацы аз цæгатирыстойнаг спортсментæ ерысты нæ архайдтой. Фæлæ уал нæ республикæмæ ис ахæм мадзæлттæ аразыны фæлтæрддзинад. Уый та дзурæг у ууыл, æмæ уыцы къабазы дарддæр рæр кæй рæздзыстæм.
