филиал вгтрк государственная телерадиовещательная компания “Алания”

04:29 понедельник, 26 октября 2020
30 сентября 2020, 14:32
31
Уæрæсейы афтектæ исын райдыдтой коронавирусы ныхмæ хос

Уæрæсейы афтектæ исын райдыдтой коронавирусы ныхмæ хос «Арепливир». Специалисттæ зæгъынц, пайда кæнæн дзы кæй ис дохтыры цæстдардимæ. Гæнæн ис æмæ сæвзæрын кæндзæн цавæрдæр хъæндзинæдтæ, уымæ гæсгæ дзы барвæндонæй пайда кæнæн нæй. Рынчындоны чи уа, уыдон хос исдзысты лæвар. Республикæйы æнæниздзинадхъахъхъæнынады министрады зæгъынц, кæй скодтой фыццаг заказ.  Кæм æй ис балхæнæн, æмæ йын цавæр аргъ ис, уый раиртасыныл бацархайдта не сфæлдыстадон къорд.

Кæд æй адæм фæрсынц, уæд æнæмæнг хъæугæ хос уыдзæн. Хи афтекты хызæджы зæгъынц коронавирусы ныхмæ  кæй самал кодтой 2 препараты. Дыууæ дæр сты Уæрæсейы конд. Фæлæ сæ бæрц бирæ нæу. Уый æмбарын кæнынц уымæй, æмæ аслам кæй не сты.

Дыууæ препараты дæр сты таблеткæты хуызы. Рæстæмбис нымадæй ацы хостæй дзæбæх кæнын хъæуы 10 боны. Паддзахадон афтæкты хызæджы дæр хостæ самал кодтой, зæгъынц сæ аргъыл бирæ нæ бафтаудзысты, фæлæ сæ хæрдзтæ æфтиагæй фылдæр куыд уой, афтæ дæр сæ бон кусын нæу. Хостæ кæмæй исынц, уыимæ раздæр баныхас кодтой, йæ аргъ 12 минæй фылдæр кæй нæ уыдзæн.

Паддзахадон афтекты хызæджы хъуыды кæнынц ахæм хос, æцæг Японийы уагъд дæр самал кæнын. Уадз æмæ адæмæн уа, цы равзарой уый. Уæрæсейаг хос АреплвИр ныронг адæмыл сбæрæг кодтой æмæ коронавирусы ныхмæ йæхи хорз равдыста.

Информацимæ гæсгæ короновирусы ныхмæ хостæ афтекты фæзындзысты хæстæгдæр къурийы дæргъы. Фæлæ йын рецепт хъæуы æви нæ, уый бæрæг нæма у. Уæвгæ та растдæр уыдзæн фыццаг миниуджытæ куыддæр фæзыной, афтæ дохтыры æххуыс бацагурын. Уый бацамондзæн æмæ цæст дардзæн рынчыны æнæниздзинадмæ.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: