Йæ бинонтимæ царди гыццыл фатеры, æмæйæ социалон уавæрты тыххæй йæ бон нæ уыди æххæстæй наукон куыст кæнынæн. Ныр йæ хъуыддаг фæрæстмæ
Наукон куыст кæнын, æмæ цæрæнуаты фарстайыл ма тыхсын. Уæрæсейы наукæты академийы дзæуджыхъæуккаг центры æрыгон ахуыргонд райста цæрæнуатæн сертификат. Нырмæ йæ тыхсын кодта ацы фарста. Йæ бинонтимæ царди гыццыл фатеры, æмæйæ социалон уавæрты тыххæй йæ бон нæ уыди æххæстæй наукон куыст кæнынæн. Ныр йæ хъуыддаг фæрæстмæ. Сокаты Фатимæ радзурдзæн бæлвырддæр.
Магомедрасул Магомет-Касумов Хуссар математикон институты йе мкусджытæн кæны семинар. Зонгæ сæ кæны йæ зонындзинæдтимæ. Наукæмæ бар чи нæ дары, уымæн ацы системæ бамбарын зын у, зæгъы Магомедрасул, фæлæ уæддæр, бацархайдта, йæ иртæстыты сæйраг нысан бамбарын кæныныл.
Ахуыргæндты ныхæстæм гæсгæ, информацион технологитæй уæлдай, йæ бон у бæстонæй æрдзурын хими, ботаникæ æмæ геологийы къабæзтыл. Йæ иртæстыты фæрцы, зæгъæн ис, рагагъоммæ базонæн ис, зæххынкъуыст кæм æрцæудзæн, уыцы бынат.
Иртæстыты процесс у зын. Фыццаг уал хъæуы, цы наукон куыстытæ дæм ис, уыдонмæ ногæй æркæсын, фыссæнгарзæй формулæтæ æмæ программон кодтæ кæнын. Æрмæст наукæйыл хъуыды кæнын æрыгон ахуыргондæн зын у, уымæн æмæ ма йæм ис æндæр лыггæнинаг фарстатæ дæр. Зæгъæм, цæрæнуаты хъуыддаг. Йæ ныййарджытимæ, йæ бинойнаг æмæ сывæллонимæ Магомедрасул цæры гыццыл фатеры. Бынат сын нæ фаг кæнын. Уымæ гæсгæ, ахуырад æмæ наукæйы министрад баххæст кодта цæрæнуат райсынæн курдиат. Йæ хъуыддаг фæрæстмæ. Æртын фондзаздзыд наукæты кандидат сси серификаты хицау.
Уæрæсейы наукæты академийы дзæуджыхъæуккаг центры куыд загътой, афтæмæй æхуыргондæн йæ мызд уыйбæрц нæу, æмæ йæхæдæг йæхицæн фатер балхæна. Ахæм хъуыддаджы стыр æххуыс сты паддзахадон программæтæ.
Магомедрасул Магомет-Касумов сси æртыккаг ахуыргонд, фæстаг æртæ азмæ цæрæнуатæн сертификат чи райста. Наукон центры куыд зæгъынц, афтæмæй ацы нымæц кæндзæн фылдæр, цæмæй иу ахуыргонды дæр фатеры мæт ма уа, æмæ æххæстæй кæна наукон куыст.
