02 октября 2019, 12:15
Уæрæсейы райдыдта æфсадмæ сидыны фæззыгон кампани
Гæрзифтонг рæнхъыты æрлæудзæн 130 мин адæймагæй фылдæр.
Уæрæсейы райдыдта æфсадмæ сидыны фæззыгон кампани. Гæрзифтонг рæнхъыты æрлæудзæн 130 мин адæймагæй фылдæр.
Хъæуты чи цæры, уыдонмæ та фæсиддзысты 15-æм октябрæй фæстæмæ. Ахæм фæтк хаст æрцыд, цæмæй тыллæг фснайд фæуа. Ацы аз хаст æрцыдысты ивдзинæдтæ. Фыццæгæм сентябрæй фæстæмæ салдæттæн ис бар запасы раздæр ацæуынмæ. Уыцы барæй сæ бон у спайда кæнын, службæйы рæстæг дыккаг сывæллон кæмæн райгуырд, уыцы æфсæддонтæн дæр. Уыимæ уæгъдгонд цæуынц ахуыргæндтæ, æфсæддон службæйы рæстæг чи фæмард уыдоны æфсымæртæ æмæ сывæллæттæ. Æфсадмæ сидыны фæззыгон комапани фæуыдзæн 31-æм декабры.
