филиал вгтрк государственная телерадиовещательная компания “Алания”

15:47 четверг, 09 апреля 2020
31 января 2020, 17:10
31
Уæрæсейы цæрджыты ирон адæмы историимæ, æгъдæуттæ æмæ традицитимæ зонгæ кæнын

Уæрæсейы цæрджыты ирон адæмы историимæ, æгъдæуттæ æмæ традицитимæ зонгæ кæнын, туризмы рæзтыл кусын, национ культурæ парахат кæнын. Ацы, æмæ æндæр хъуыддæгтыл ныхас цыд, ирон чъириты æмæ цыхты фестиваль саразыны организацион комитеты фыццаг æмбырды. Амыдта йæ вице-премьер Азымты Иринæ. Æмбырды архайдтой Цæгат Ирыстоны министрадты æмæ ведомствоты разамонджытæ, стæй Дзæуджыхъæуы администрацийы минæвæрттæ. Бæрæгбоны мадзæлттæ цæудзысты Хетæгкаты Къостайы номыл культурæйы æмæ фæлладуадзæн парчы. Фестивалы фыццаг бонты нæ республикæйы цæрджытæн æмæ уазджытæн бацæттæ кæндзысты бæрæгбоны акцитæ, концерттæ, дæсныйадæвдисæг ахуыртæ, хъæзтытæ, национ спортивон фæзтæ. Уымæй дарддæр се ппæтæн фадат уыдзæн национ хæринæгтæй ацаходынæн, кинонывтæм бакæсынæн æмæ районты равдыст-презентацитæ фенынæн. Кæронбæттæн мадзæлттæ та уыдзысты Хъесаты Колкайы уынджы Терчы былгæрон территорийы. Уым сфыцдзысты ирон чъиритæ, бæгæны, цыхт. Уымæй дарддæр национ хæринæгты æмæ æрмдæсныйады куыстыты равдыст. Фестивалы фæз хъуамæ хæсса адæмы иугæнæг нысан. Афтæмæй ахадгæдæр æмæ фидардæр кæндзысты культурæты æмæ нациты хсæн ахастдзинæдтæ. Организацион комитеты сæйрагдæр хъуыддаг та у — æппæт хъуыддæгтыл иумæ бакусын, цæмæй бæрæгбон рауайа ирд æмæ зæрдæмæдзæугæ, загъта Азымты Иринæ.

Ошибка в тексте? Выделите её и нажмите «Ctrl + Enter»

Сообщить об опечатке

Текст, который будет отправлен нашим редакторам: