Ныхас цыд Фыдыбæстæйы Стыр хæсты Уæлахизы 75 азы мадзæлттыл
Уыд «Уæлахизы» организацион комитеты радон æмбырд. Ныхас цыд Фыдыбæстæйы Стыр хæсты Уæлахизы 75 азы мадзæлттыл. Æппæт муниципалитеттæ ацы бонмæ сæхи цæттæ кæнынц. Нысангонд цæуы 90 патриотон акцийæ фылдæр саразын. Уыдонимæ концерттæ, намысы урочытæ, тематикон фембæлдтытæ, уыимæ ветерантимæ дæр. Уæлахизы бон та Сæрибары фæзы æфсæддонтæ ацæудзысты парады, чи нал ис, уыцы хæстонты къамтимæ та æнæмæлгæ пъолчы рацæудзысты сæ кæстæртæ. 9-æм майы уыдзæн концерт æм суадздзысты салюттæ. Уымæй уæлдай апрелы онг районты гом кæндзысты Советон Цæдисы хъæбатырты номарæн фæйнæджытæ. Цалцæггонд цæудзысты мемориалон бынæттæ. Хицауады сæрдары хæдивæг Азымты Иринæ муниципалон скондты разамонджытæн бабар кодта, цæмæй номарæн бынæттæ цæуой хъахъхъæд.