филиал вгтрк государственная телерадиовещательная компания “Алания”

09:50 пятница, 29 марта 2024
25 ноября 2020, 14:16
Уыналы цæттæ кæнынц æхсыры куыстгæнæг завод байгом кæнынмæ

Хомаг та нысан кæнынц сыхаг хъæуты фермерон хæдзарæдтæй исын: Зынцъарæй, Уыналæй, Æрхонæй æмæ Тибæй

Уыналы цæттæ кæнынц æхсыры куыстгæнæг завод байгом кæнынмæ. Инвестпроект «Алания продукт»-ы разамонæг Цæгæраты Русланы ныхæстæм гæсгæ ныртæккæ архайынц куыстуатмæ æрдзон газ бауадзыны фарстайыл. Æнæ уымæй заводæн йæ бон кусын нæ уыдзæн. Иу суткæмæ нысан кæнынц æхсыры 5 тоннæйы бакусын. Хомаг та нысан кæнынц сыхаг хъæуты фермерон хæдзарæдтæй исын: Зынцъарæй, Уыналæй, Æрхонæй æмæ Тибæй. Проекты фыццаг къæпхæн царды рауадзынæн сараздзысты 30 куысты бынаты, уый фæстæ та сæ нымæц хъавынц фæфылдæр кæнынмæ. Ныридæгæн æмгуыстады бадзырдтæ бафыстой егъау базарадон объекттимæ. Уыимæ канд Цæгат Ирыстоны дуканитимæ нæ, фæлæ ма æндæр регионтимæ дæр. Заводы арæзтад цæуы нæ республикæйы хъæууон хæдзарады æмæ хойраджы министрады фарсхæцтæй. Сæрмагондæй уый тыххæй радих кодтой 12 милуан сомы. Йæхи фæрæзтæ йæм бахаста кооператив «Алания Продукт» дæр. Инвестицион проекты иумæйаг аргъ у 26 милуан сомы.

vgtrk_alania
vgtrk_alania
vgtrk_alania
vgtrk_alania