Бацæттæ кодтой Кокуаты Андрейы нырыккон аргъау «Ацæмæзы алæмæты уадындз»
Евгений Вахтангвы номыл Уырыссаг академион театры сценæйы сæ курдиат раргом кодтой реабилитацион центр «Алани»-йы хъомылгæнинæгтæ. Бацæттæ кодтой Кокуаты Андрейы нырыккон аргъау «Ацæмæзы алæмæты уадындз». Диссæгты аргъауы хъайтартæ суæвын æвзонг актертæн баххуыс кодтой спектаклы режиссер-æвæрæг Пагæты Фатимæ æмæ хореограф Бестауты Георгий. Ацы проектмæ профессионалты бафтауын кæй бантыст, уый стыр амондыл банымадтой центры разамонджытæ. Театралон постановкæ у центры хъомылгæнинæгты рагон бæллиц. Царды йæ рауадзын бантыст, организаци президенты грант куы рамбылдта, уæд. Уыцы фæрæзтæй байгом кодтой сфæлдыстадон студи «Радуга». Уым лæппутæ æмæ чызджытæ сæхи æмхиц кæнынц аивадмæ æмæ артисты дæсныйадмæ. Ацы аргъау сæвæрыныл куыстой фæдзы рдæг. Репетицитæ кодтой бæрнонæй. Аргъæутты куыд вæййы, афтæ ам дæр фæуæлахиз хæлардзинад. Фидæны фæнд кæнынц «Ацæмæзы алæмæты уадындз» республикæйы районты æмæ цæгаткавказаг регионты равдисын. Кæд сын ахæм фадат эпидемиологон уавæр радта, уæд.
