Ныхас дзы цыд æнæкоммерцион организацитыл, социалон къабазы лæггæдтыл, стæй æндæр ахсджиаг фарстатыл
Вице-премьер Азымты Иринæйы разамындæй уыд координацион советы æмбырд. Ныхас дзы цыд æнæкоммерцион организацитыл, социалон къабазы лæггæдтыл, стæй æндæр ахсджиаг фарстатыл. Бæрнон фембæлды архайдтой хицауады уæнгтæ, муниципалитетты æмæ æнæкоммерцион организациты минæвæрттæ. Профилон министрадтæ бацæттæ кодтой бæстон докладтæ. Координацион советы амындмæ гæсгæ, республикæйы муниципалон скондтæ бакуыстой æнæкоммерцион организацитæн социалон æххуысы программæ æмæ дæлпограммæтыл. Уæлдай æргом советы уæнгтæ аздæхтой æнæкоммерцион организациты архайдмæ национ проекттæ: æнæниздзинадхъахъхъæнынады, ахуырады æмæ социалон лæггæдты. Æмбырды архайджытæ куыд загътой, афтæмæй ис бирæ гæнæнтæ æнæкоммерцион организациты пайдайæн. Хæстæгдæр рæстæг ацы фарстайыл æрдзурдзысты Æхсæнадон палатæйы æмбырды. Æнæкоммерцион организациты хъомысæй хъæуы ахадгæйæ пайда кæнын. Уæлдайдæр та сын грантты æххуыс куы цæуа, уæд, загъта Азымты Иринæ. Уæ зæрдыл уын æрлæууын кæндзыстæм, Цæгат Ирыстоны ныртæккæ официалон æгъдауæй кусынц 903 æнæкоммерцион организацийы. Сæ иу хай исынц паддзахадон æххуыс грантты хуызы, комкоммæ субсидиты фæрцы.
