Нырæй фæстæмæ Уæрæсейæн 4 азы дæргъы бар нæ уыдзæн дунейы чемпионаттæ суазæг кæнынæн, æмæ ма се рвитыны тыххæй курдиæттæ бадæттын дæр
Ацы боны ахсджиагдæр хъусынгæнинаг. Допингы ныхмæ Æппæтдунеон агентады æххæстгæнæн комитет WADA-йы пресс-службæ куыд фехъусын кодта, афтæмæй комитеты уæнгтæ æмхъæлæсæй рахастой уынаффæ, Уæрæсейы допингы ныхмæ агентад РУСАДА-йæн йæ статус райсыны тыххæй.
Нырæй фæстæмæ Уæрæсейæн 4 азы дæргъы бар нæ уыдзæн дунейы чемпионаттæ суазæг кæнынæн, æмæ ма се рвитыны тыххæй курдиæттæ бадæттын дæр. Нæ бæстæйы спортсментæн фадат нæ уыдзæн Олимпиадæты æмæ дунеон ерысты нæ национ тырысайы бын архайынæн. Уымæй дарддæр WADA-йы æххæстгæнæн комитет 4 азы мгъуыдмæ æппæтадæмон спортивон мадзæлтты архайын нæ бауаддзæн уæрæсейаг паддзахадон кусджыты, стæй Уæрæсейы Олимпаг æмæ Паралимпаг комитетты разамынды.
