О, ахуыргæнæг – рухс фидæн нывгæнæг! Ды зонды тæгтæй саразыс фæндыр. Дæ зæрдæ у уæрæх фæндтæ нывæндæг, Дæ уынаффæ – бæркадхæссæг быдыр!
О, ахуыргæнæг – рухс фидæн нывгæнæг!
Ды зонды тæгтæй саразыс фæндыр.
Дæ зæрдæ у уæрæх фæндтæ нывæндæг,
Дæ уынаффæ – бæркадхæссæг быдыр!
Хабæты Риммæ. Уæ изæр хорз нæ равдыстмæ кæсджытæ, Ирыстоны Цæгат æмæ Хуссарварсы студиты архайджытæ.! Паддзахадон телерадиокомпани «Алани»-йы эфиры та комкоммæ бастдзинад Дзæуджыхъæу æмæ Цхинвалы хсæн. Амонынц æй Хъантемыраты Зæлинæ æмæ Дзутцаты Тамерлан.
Хæстæгдæр сахат уæ хонæм æргом æмæ ахадгæ ныхасмæ ахуырады къабазы æмгуыстадыл: ахуыргæнджыты æмархайдыл, ныхас цæудзæн дæрддзæф хъæуккаг скъолаты лыггæнинаг фарстатыл дæр. Уый тыххæй Дзæуджыхъæуы студийы абон ис: Санаты Ритæ, РЦИ-Аланийы ахуырады министрады Национ хайады сæргълæууæг, Дзодзыккаты Зæидæ, ЦИПУ-ы ирон æвзаг æмæ литературæйы кафедрæйы ахуыргæнæг, наукæтæ доктор, профессор, Дойаты Феликс, Республикæйы ахуыргæнджыты дæсныдзинад бæрзонддæр кæныны институты математикæ æмæ информатикæйы кафедрæйы сæргълæууæг, Кцойты Маринæ, Республикæйы ахуыргæнджыты дæсныдзинад бæрзонддæр кæныны институты Ирон æвзаг æмæ литературвйы кафедрæйы хистæр ахуыргæнæг.
Тамерлан, дæ хорзæхæй, бацамон нын Цхинвалы студийы архайджыты дæр! Тамерлан, цыбырæй ацы бæрæгбоны равзæрдыл:
5-æм октябрь у ахуырады къабазы æппæт кусджыты профессионалон бæрæгбон. Сфидар æй кодта ЮНЕСКО 1994 азы. 1965-æм азæй фæстæмæ Уæлдæр Советы президиумы уынаффæмæ гæсгæ йæ бæрæг кодтой октябры фыццаг хуыцаубон. Ныр та Уæрæсейы Федерацийы Президент 3-æм октябры 1994-æм азы цы уынаффæ рахаста, уымæ гæсгæ «Ахуыргæнæджы бон» æрвыл аз дæр бæрæг кæнæм 5 октябры.
Ацы рæсугъд Бæрæгбон алы ахуыргæнæг дæр: фæнды сабиты цæхæрадоны хъомылгæнæг уа, фæнды астæуккаг, гъе та уæлдæр скъолайы ахуыргæнæг уа- свæййы бæрæгбоны фидауц. Дидинджытæ, зæрдæбын арфæтæ, бузныджы ныхæстæ æмæ музыкалон концерттæ- иууылдæр уыдоны номыл. Æмæ аккаг дæр сты, Тамерлан. Фæлæ мæ фæнды нæ куысты райдиан Беслæны трагедийы 2004-æм азы чи бацарæфтыд стæй ХИ хæстон цауты рæстæг чи фесæфт, уыцы ахуыргæнджыты рухс нæмттæ ссарын 1 минут æдзæмæй лæугæйæ.
Бузныг, дарддæр ахæццæ кæнæм нæ куыст.
Нæ телепроекты комкоммæ хæс у Цæгат æмæ Хуссар Ирыстоны царды алы къабæзты хсæн æмгуыстады тæгтæ снывæндын, хæлардзинады ахастытæ фæфидардæр кæнын.
Мæнмæ гæсгæ, ахуырады къабазы, Тамерлан, ацы æмгуыстадæн фидар бындур æрæвæрдтой ирон æвзаг æмæ литературæйы ахуыргæнджытæ. Уыдон акодтой æмæ кæнынц ныр дæр фыццаг æнтыстджын къахдзæфтæ. Нæ фыццаг комкоммæ телеэфиры æмгуыстады мадзæлттыл цыд ныхас, ноджы ма ахуыргæнджытæ сбæлвырд кодтой ног ахуыр азмæ æмгуыстады къахдзæфтæ. Уыцы архайдыл бæлвырддæр, Маринæ, дæ хорзæхæй.
Хорз уаид, æмæ иннæ предметты ахуыргæнджытæ дæр ацы æмгуыстады фæлтæрддзинад куы бафæзмиккой, уый.
Залина, уалдзæджы (апрелы 2016 азы) ХИ æмæ ЦИ ахуырады министрадтæ бафывстой æмгуыстады бадзырд. Уымæ гæсгæ ацы аз, кæнæ, чи зоны, хæстæгдæр рæстæг царды куыд æххæстгонд цæудзæн? ( Ома, бæлвырд хъуыддæгтæ æмгуыстадæй.)
Ацы ппæт къахдзæфтæ сты Ахуыргæнæгæн йæ сæйраг архайд– ахуырадон æмæ хъомыладон куыст кæнын нывылдæр , рæстæджы домæнтæн дзуапп куыд дæтта,зæгъгæ , уымæ арæзт. Абон кæд бæрæгбон у, уæддæр ахуыргæнæджы риссаг фарстатыл æнæ аныхысгæнгæ нæ фæуыдзыстæм, Ныхас дарддæр ацæудзæн
Дæрддзæф хæххон скъолаты ахуыргæнджыты куыстыл. Æвæццæгæн, Ирыстоны Цæгат æмæ Хуссар варс æмхуызон сты. Ис нæм информацион службæйы уацхæсджыты æрмæг Æрæфы районы дæрддзæф хæххон хъæу Æхсаеуæй. Цы райдиан скъола дзы ис, уым ахуыр кæны иунæг ахуырдзау.
Дæрддзæф хæххон хъæуы цард куыд æй бамбæрстам сюжетæй, афтæмæй баст у æнæхъæнæй дæр цы скъола дзы ис , уыимæ. Ахуыргæнæг æмæ дзы ахуырдзауы сæйраг архайдæн фадæттæ амонынц æви нæ, уый базонынæн телефонæй бадзырдтам Æрæфы районы ахуырады управленийы хиуац Фидараты Алыксандрмæ. – Дæ изæр хорз, Алыксандр.
Иумæйаг хъуагдзинæдтæ федтам . раиртæстам, Куыд сæ аиварс кæнæм, куыд сæ алыг кæнæм , кæмæй аразгæ сты? Уыдонмæ æрхатæм. Официалон æгъдауæй.
Амонæг «Ахуыргæнæг»
Мæ ахуыргæнæг, арæх дæу фæмысын,
Мæ хъуыдыты, мæ рухс фæндты цæрыс.
Ды ферох дæ дæ ахуырдзаутæй, ма зæгъ.
Нæ фарсмæ не стыр æнхъæлцау цæуыс.
Цæгæраты Гиго
Дæ цæстыты рæсугъд хъуыдытæ ахстон,
Уыдис дæ ныхас зарæгау мæнæн.
Мæ зарджыты дæ хъарм зæрдæ дæр хастон,
Æмæ гъеуымæн рухстауæг ысдæн.
Мæн никуы, никуы бауагътай фæкæлын,
Уыдтæ мын ныфс, цырагъ æмæ цæхæр,
Дæ кой æз арæх, тынг арæх фæкæнын,
Æнæниз æмæ мын амондджынæй цæр!
Дарддæр фыссы ЦæгæратыГиго
Ацы ныхæстæ Цæгæраты Гиго цыма абоны фембæлдмæ фыста, афтæ дæм нæ кæсы, Зæлинæ?
Нæ Комкоммæ эфиры абон ЦИПУ-ы ирон филологийы кафедрæйы ирон æвзаг æмæ литературæйы ахуыргæнæг- Дзодзыккаты Зæидæ, профессор , наукæты доктор æмæ йæ ахуырдзау- раздæры студенткæ- Галуанты Зæлинæ.
Ирон æвзаджы ахуыргæнæджы дæсныйад цæмæн равзæрстай дæхицæн?
Æццæй, дæ ныфс, цырагъ, æмæ цæхæр Цæгæраты Гиго куыд загъта, читæ уыдысты?
Цавæр миниуджытæ дзы райстай дæ ахуыргæнæгæй, царды дарддæр кæмæй пайда кæныс .?
Куыд зонын, Зæлинæ , афтæмæй дæуæн дæр дæ фыццаг дæсныйад ахуыргæнæг у. Ды та дæ уарзон ахуыргæнджыты цæмæй бахъуыды кодтай?
Ай-гъай дæр, мысинæгтæн æмæ арфæтæн нæ программæйы бынат ис абон , Федтай йæ Зæидæ абон эфиры ныхас цæуы ах-ты æмгуыстадыл. Фæнды мæ ног къæпхæнмæ куыд рахиза , уый. ( ома уæлдæр скъоламæ.) Уый тыххæй Уæлдæр скъолатæ цæттæ кæнынц æмгуыстады бадзырд бафыссынмæ, бæлвырддæр та ирон филологийы факультет йæхи куыд цæттæ кæны ацы æмгуыстады къахдзæфтæм?
Куыд нысан кæнут аразын уыцы куыст?
Ахуыргæнæджы бон Дзæуджыхъæуы куыд ацыд уый фæдыл нæм ис æрмæг. Табуафси бакæсæм æм.
Нæ студийы архайджыты номæй ма абон Æппæт Ирыстоны ахуыргæнджытæн арфæ кæнæм, фæнды нæ, цæмæй ахуыргæнæджы æнæхин, æвæллайгæ, зæрдиаг куыст фарны талатæ куыд суадза, аккаг аргъгонд ын куыд цæуа, Зæрдæрухсæй кусут! Æмæ фæрнæйдзаг ут! Хæрзизæр!
