филиал вгтрк государственная телерадиовещательная компания “Алания”

18:45 понедельник, 21 октября 2019
17 августа, 12:03
3
5
Сабиты ирон æвзагыл дзурын ахуыр кæнын
81514

Сабиты ирон æвзагыл дзурын ахуыр кæнын. Ахæм нысанимæ фарон Цæгат Ирыстоны байгом студи «Фæндиаг». Фыццаг азмæ дзы сахуыр кодта 30 сывæллоны онг. Фæлæ студийы хъомыс у фылдæр. Сæ бон у 300 сабийы райсын. Ныртæккæ æмбырд кæнынц ахуырдзауты ног фæлтæр. Студимæ сабиты ныффыссыны фадат уыдзæн сентябры онг.
Афæдзы размæ дæр ма Хабæты Лолæ иронау дзургæ нæ, фæлæ æмбаргæ дæр нæ кодта. Ныр та йæхæдæг иннæ сабитæн амоны урок. Студи «Фæндиаджы» специалисттæ куыд зæгъынц, уымæ гæсгæ сæ сæйраг нысан – сывæллæтты ирон æвзагыл дзурын ахуыр кæнын – сæххæст кодтой.
Студи «Фæндиаг» Дзæуджыхъæуы байгом афæдзы размæ. Фыццаг азмæ дзы сахуыр кодта 30 сывæллоны. Уыдоны ‘хсæн Битарты Георгий дæр. Йæ фыды мад Жаннæ райгонд у, сывæллон цы зонындзинæдтæ райста, уымæй. Ацы аз дæр та йæ æрбакодта «Фæндиаг»-мæ.
Битарты Жаннæ: «Иронау нын хорз нæ дзырдта. Сывæллæтты рæвдауæндоны йæ хъомылгæнджытæ уырыссæгтæ сты, æмæ иронау хорз нæ зыдта. Фæлæ ардыгæй куы ссæуы, уæд æмдзæвгæтæ фæдзуры, проспекты дæр фæзæгъы, зæгъгæ, ай Хетæгкаты Къоста у. Уыдæттæ дзургæйæ фæцæуæм».
Студийы ис 2 хуызы архайд. Сывæллæтты скъоламæ цæттæ кæнынц, æмæ сæ дзургæ ирон æвзагыл ахуыр кæнынц. Кусынц Берлицайы методикæмæ гæсгæ. Сабитимæ студийы къæсæры сæрты бахизгæйæ фæдзурынц æрмæстдæр ирон æвзагыл. Ахуырадон процесс арæзт у хъазты хуызы. Афтæмæй сывæллæттæ æрмæг хуыздæр æмбарынц.
Дегъуаты Фатимæ, сывæллæтты райрæзты студи «Фæндиаг»-ы кусæг: «Нæ ахуыргæнджытæ сты тынг дæсны. Ис нæм ирон æмæ уырыссаг æвзаджы ахуыргæнджытæ. Амонынц сабитæн кæсын, нымайын. Вæййы ма уроктæ географийæ, физикæйæ æмæ англисаг æвзагæй».
Сывæллæттæ студийы фæахуыр кæнынц къуыри 3 хатты æртыгай сахаттæ. Цæмæй куыст нывыл арæзт уа, уый тыххæй хъæуы фæрæзтæ. Уымæ гæсгæ ныййарджытæ иу сахатæн фидынц 220 сомы. Ныртæккæ студийы æмбырд кæнынц ахуырдзауты ног фæлтæр. Сабиты ныффыссыны фадат уыдзæн сентябры онг.
Ацы аз студийы ахуыр кæныны фадат уыдзæн райдиан скъолайы ахуырдзаутæн дæр. Ам семæ кусдзысты къуыри 5 хатты. Бон иу сахаты дæргъы.
Хъайтмазты Дзерассæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: