филиал вгтрк государственная телерадиовещательная компания “Алания”

01:40 вторник, 19 ноября 2019
22 марта, 11:17
3
5
Бырæтты куыстгæнæн заводтæ Цæгат Кавказы ис æрмæстдæр цалдæр субъекты, уыимæ Цæгат Ирыстоны дæр
УФ-йы президенты æххæстбарджын минæвар Цæгат Кавказы федералон зылды Александр Хлопонин бадомдта, регионы хауæццæгты куыст экологон æгъдауæй кæнын. Куыд загъта, афтæмæй бырæтты куыстгæнæн заводтæ Цæгат Кавказы ис æрмæстдæр цалдæр субъекты, уыимæ Цæгат Ирыстоны дæр. Фæлæ йæ уавæр у æркæсинаг.

«Дзæуджыхъæуы промышленнон æмæ æндæр хъæбæр хауæтдзæгты куыстгæнæн заводæн хорз рæстæджытæ не скодта. Куыстуат цы æхца кусы, уыдон фаг сты æрмæстдæр чи дзы фæллой кæны, уыдонæн мызд бафидынæн»,- зæгъы йæ разамынд. Æфтиæгтæ сæм хауы цы продукци ауæй кæнынц, уымæй. Ома, дыккаг бакуысты хомагæй скæнынц гæххæт æмæ æфсæйнаг. Бюдджетмæ та ма хъуамæ цæуа, заводмæ цы бырæттæ æрбаласынц, уыдоны алы кубометрæн дæр æхца. Фылдæр сæм алыхуызон хауæтдзæгтæ цæуы муниципалон куыстуат «Спецэкослужба»-йæ.

Завод æмгуыстады бадзырдтæ бафыста разамынддæттæг компанитимæ, фæлæ йын уый куыстхъом уæвынæн фаг нæу. Вæййы ахæм хауæтдзæгтæ, дыккаг хатт бакусæн кæй нæ вæййы, уыдон та аласынц бырæтты полигонмæ.

«Фæлæ завод йæхæдæгдæр нæ фиды, цæмæй полигонæй бырæттæ ласт цæуой, уымæн», — зæгъы куыстуат «Коммунальник»-ы директор.
 
Козырты Константин, куыстуат «Коммунальник»-ы директор: «Мах кусæм, нæ техникæ дзы кусы, æхца та фидгæ нæ кæнынц. Иу бафæрсæг сæ нæй».

Уыдонæн та сæ хæс у, горæты бырондон æмбæлгæ уагыл дарын, æмæ дзы зынгсирвæзтытæ ма руадзын.

Хъуыддагмæ бæстон æркæсгæйæ, сæ хæрзтæй нæу. Дзæуджыхъæуы администрацийы сæвзæрд уавæр бæттынц, цæрджытæ бырæттæ ласыны лæггæдтæн кæй нæ фидынц, уыимæ.

Заводы кусджытæ цæттæ сты куыстуат не ‘рлæууын кæнгæйæ цыфæнды зынтæн дæр бафæразынмæ, æрмæст сæ фарста лыггонд æрцæуæд. Сæ куыст сæ иу бон бауромын дæр нæ фæнды, уымæн æмæ алы самосвал дæр у, гыццыл, фæлæ уæддæр æфтиаг.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: