филиал вгтрк государственная телерадиовещательная компания “Алания”

16:04 понедельник, 21 октября 2019
25 марта, 11:46
1
5
Тарнизы рынчындоны ног уавæртæ

Сæрмагонд бæрæггæнæнтæм гæсгæ ныртæккæ республикæйы тарнизæй рынчын сты 350 адæймаджы. 1000 адæмайгмæ та хъæуы медицинон цæстдард, зæрдæхсаинаг сты 800-йæ.

Рынчынты сбæрæг æмæ се сдзæбæх кæнын – ахæм хæс сæ размæ сæвæрдтой тарнизы рынчындоны æмæ диспансеры дохтыртæ.

Тарнизы ныхмæ республикон диспансерыл 50 азæй фылдæр цæуы. Уал азмæ цал адæймагæн баххуыс кодта, уый банымайын зын у. Ам цы дохтыртæ кусынц, уыдоны зонындзинæдтæ æмæ арæхстдзинады кой айхъуыст æгас Кавказыл. Ныр рынчындоны авналæнтæ фæфылдæр сты, фæзынд дзы ног кусæнгæрзтæ æмæ техникæ, æмæ дохтырты бон у ноджы хуыздæр лæггад кæнын рынчынтæн.

Дыууæ къуырийы размæ сæм фæзынд ног америкаг аппарат Бактек. Кæд раздæр, адæймаг рынчын у æви нæ, уый сдзæбæх кæнынæн 2 мæйы хъуыд, уæд ныр йе ххуысæй низ сбæрæг кæнæн ис 2 бонмæ. Уыимæ ма аппарат йæхæдæг раиртасы, хостæй йын хуыздæр цы уыдзæн, уый.

Официалон бæрæггæнæнтæм гæсгæ ныртæккæ республикæйы тарнизæй рынчын сты 350 адæймаджы. 1000 адæмайгмæ та хъæуы медицинон цæстдард, зæрдæхсаинаг сты 800-йæ.

Федералон программæйы æххуысæй рынчындоны байгом кодтой диагностикæ кæнæн ног хайад. Афæдз æмæ ‘рдæмгмæ балæггад кодтой 200 адæймагæй фылдæрæн.

Рынчындоны уæлдай цæст дарынц, се нæхъæугæ кусæнгæрзтæ знаггад куыд нæ хæссой, уымæ. Шприцтæ æмæ æндæр кусæнгæрзтæ фесафынц утилизаторы. Канализацимæ цы дон ауадзынц, уый дæр инфекцитæй вæййы сыгъдæг.

Фæлæ æппæты фыццаг алчидæр хъуамæ йæхæдæг тыхса йе нæниздзинадыл, æмæ йæхи низæй хъахъхъæна. Уымæн та бирæ нæ хъæуы, зæгъынц дохтыртæ.

Рынчынтæ кæд тынг разы сты дохтырты арæхстдзинадæй æмæ сæм куыд кæсынц, уымæй, уæддæр иууылдæр бæллынц хуыздæр уавæртæм. Хъыгагæн, диагностикæгæнæн хайадæй дарддæр иннæ бæстыхæйттæ сты базилинаг. Кæмдæрты 12 квадратон метры агъуысты иумæ сты 6 рынчыны. Сæ зæрдæ дарынц, фидæн аз ног корпус аразын кæй райдайдзысты, ууыл. Æмбæлгæ фадæттæ дзы уыдзæн 100 рынчыны дзæбæх кæнынæн.

Зыхъуаты Жаннæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: