филиал вгтрк государственная телерадиовещательная компания “Алания”

16:02 понедельник, 21 октября 2019
25 марта, 11:39
1
5
Дзæуджыхъæуы æрымысыдысты Икъаты Серафины
Адæмæн уарзон артисткæйы цыртдзæвæны цурмæ æрбацыдысты ирон драмон театры актертæ, театралон архайджыты цæдисы уæнгтæ, аивадуарзджытæ. Дидинджытæ сæвæргæйæ æрхъуыды кодтой, курдиатджын артисткæйы.

Ирон театры актертæ ма бабæрæг кодтой театралон музей. Бакастысты Икъаты Серафины номыл арæзт экспозицимæ. Уым равæрдтой йæ сценикон уæлæдарæс, йæ фыстæджытæ, йæ къамтæ æмæ йæ фæндыр.

Икъаты Серафин бирæ азты лæггад кодта ирон аивадæн. Театры сценæйы цы сурæттæ сарæзта, уыдон,стæй йæ хъазт, йæ фæндырдзагъд, йæ хъæлдзæг ныхæстæ — абон дæр лæууынц адæмы зæрдæты.

Тлаттаты Бексолтан, Уф-йы сгуыхт артист: «Симæ тынг зæрдæхæлар адæймаг уыди. Никуы никæмæн бавгъау кодта йæ зонындзинæдтæ, йæ арæхстдзинад. Æз ма æрыгон уыдтæн. Театрмæ куы æрбацыдтæн, уæд цавæрдæр спектаклы иумæ хъазыдыстæм æмæ мын дзы цыдæр монолог нæ уади. Серафин дын мæ фæурæдта æмæ мын зæгъы: «Хъус ма, лæппу. Дæ монолог ма мæнæ афтæ 3 дихы акæн. Æмæ уæд хуыздæр уыдзæн». Куыд мын бацамыдта, афтæ йæ скодтон æмæ, æцæгæйдæр, æнцондæр мын уыди, уый иу хъуыддаг. Фæлæ ма рæсугъддæр рауад. Мæхи зæрдæмæ дæр фæцыд афтæмæй, театрдзауты зæрдæмæ дæр фæцыд. Æмæ ахæм хабæрттæ актертæй алчидæр иу æмæ дыууæ не рхъуыды кæндзæн».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: