филиал вгтрк государственная телерадиовещательная компания “Алания”

22:36 воскресенье, 17 ноября 2019
25 марта, 11:45
3
5
Беслæны мысыдысты, репресситы рæстæг æнæаххосæй кæй амардтой, уыцы хъазахъхъæгты
1920-æм азы мингай сывæллæтты, сылгоймæгты æмæ хистæр кары адæмы сыстын кодтой сæ хæдзæрттæй.

Уыдон баисты репресситы æмæ терроры амæттаг. Трагеди кæм æрцыдис, уыцы бынаты 2001-æм азы скодтой мысæн обау. Æрвылаз дзы æрæмбырд вæййынц Терчы хъазахъхъæгтæ æмæ æппæт зылдты минæвæрттæ.

Ацы аз дæр сæ фыдæлты нæмттæ æрымысынмæ Беслæнмæ ссыдысты Стъараполы, Кæсæг-Балхъары, Дагестаны, Цæцæны, стæй Цæгат Ирыстоны хъазахъхъæгтæ, æдæппæтæй 500 адæймагæй фылдæр. Обауы цур номарæн службæ сарæзта Дзæуджыхъæуы зылды аргъуанты разамонæг Василий Шауэрман.

Хъазахъхъæгтæ дзырдтой иудзинадыл, стæй æнæаххосæй кæй амардтой, уыдоны рохгæнæн кæй нæй, ууыл. Делегаци ма бабæрæг кодта Беслæны мемориалон уæлмæрд дæр.

Тедтаты Эльбрус, Алайнаг хъазахъхъæгты республикон зылды атаманы хæдивæг: «35 мин адæймаджы кæм фæцагъд сты, уый цавæр бынат у, ууыл алчидæр йæхæдæг ахъуыды кæнæд. Æмæ загътам, ахæм бынат сын скæнæм, рухсаг зæгъын сын нæ бон кæм уа. Ардæм иу адæймаг куы рбацыд, уæд иу нырхæндæг ис, æмæ уæд мæнæ ацы обау скотам, æмæ алы аз дæр æрæбырд вæййæм æмæ сын рухс фæзæгъæм. Æндæр рæттæй дæр нæм цæуынц, Терчы хъазахъ кæмдæриддæр сты».

Токаты Сафарбег, Терчы хъазахъхъæгты хистæрты советы уæнг: «Æрцыдыстæм уый тыххæй, цæмæй мæнæ ам хæсты размæ, стæй революцийы размæ дæр мæнæ ам цы змæстытæ уыдис æмæ дзы чи фесæфт, уыдонæн мæнæ ацы бынат сарзæтой. Сæ номарæн бон сси абон æмæ æрæмбырд стæм, цæмæй сын сæ ном ссарæм, уый тыххæй».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: