филиал вгтрк государственная телерадиовещательная компания “Алания”

02:56 суббота, 16 ноября 2019
26 марта, 11:13
3
5
Пъæлицæйы инспектортæ бæлвырд кæнынц, 18 азы кæуыл нæма цæуы, ахæм сывæллæттæн карз нозт æмæ тамакотæ цы дуканиты уæй кæнынц, уыдон
Профилактикон операци «Æнæниз царды уаг» æххæстгæнгæйæ, пъæлицæйы инспектортæ бæлвырд кæнынц, 18 азы кæуыл нæма цæуы, ахæм сывæллæттæн карз нозт æмæ тамакотæ цы дуканиты уæй кæнынц, уыдон. Ахæм мадзæлттæ фæаразынц æдзухдæр.

Давидыл цæуы 14 азы. Йæ ныййарджытæ йын радой эксперименты архайыны бар. Лæппу афæлвæрдта карз нозт æмæ тамакотæ балхæнын. Фыццаг дуканийæ Давид рацыд тамакоты къоппимæ.

Иннæ дуканийы Давидæн бантыст бæгæны балхæнын. Уæйгæнæг куыд бамбарын кодта, афтæмæй æнхъæлдта, лæппуйыл 18 азы кæй цæуы, уый. Ахæм цаутæ республикæйы вæййынц æдзухдæр, зæгъынц инспектортæ. 18 азы кæуыл нæма цæуы, ахæм сывæллæттæн тамакотæ æмæ карз нозт арæхдæр уæй кæнынц чысыл дуканиты.

Гæбуты Наталья, сывæллæтты хъыддæгты инспектор: «Стыр дуканиты сывæллæттæн ахæм продукци нæ уæй кæнынц. Уæйгæнæгæн бар ис, ракурын документтæ, цæмæй сбæрæг кæна æлхæнæгыл цал азы цæуы, уый. Ацы хъуыддаг куы нæ сæххæст кæна, æмæ афтæмæй куы ауæй кæна нозт æмæ тамакотæ, уæд баййафдзæн админисративон æфхæрд».

Протокол куы ныффысынц, уæд æрмæг арвитынц фæлхасгæнджыты бартæм цæстдарды управленимæ. Уым рахæссынц, административон æфхæрды тыххæй уынаффæ.

Ацы азы райдианæй сывæллæттæн карз нозт чи уæй кæны, уыдоны ивары фæтк аивта. Ныр уæйгæнæджы бафхæрдзысты административон æгъдауæй – 20-æй 50 мин сомы онг. Нозт дуканийы хицау йæхæдæг куы уæй кæна, уæд бафиддзæн 100-йæ 200 мины онг. Тамако уæй кæныны тыххæй та æмбæлы ивар мин æмæ рдæгæй-4 мин сомы онг.

Закъонхалджыты рабæрæг кæныныл архайынц фæлхасгæнджыты бартæм цæстдарды управленийы минæвæрттæ дæр. Фæлæ дуканитæ бæлвырд кæнын сæ бон у 3 азы иу хатт. Уымæй уæлдай ма кусынц адæмы курдиæттæм æмæ прокуратурæйы хæслæвæрдмæ гæсгæ. Управленийы куыд зæгынц, афтæмæй хорз уаид, адæм ахæм хъуыддæгтæм се ‘ргом фылдæр куы здахикой, уæд.

Хъайтмазты Дзерассæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: