филиал вгтрк государственная телерадиовещательная компания “Алания”

00:21 вторник, 19 ноября 2019
27 марта, 11:14
4
5
Цæгат Ирыстоны паддзахадон университеты арæзт æрцыд гала-концерт «Студентон уалдзæг -2013»
Цæгат Ирыстоны паддзахадон университеты арæзт æрцыд студентты уалдзыгон фестиваль. Фæсивæд æртæ боны сæ арæхстдзинад æвдыстой алы номинациты. Жюрийы уæнгтæ фестивалæй баззадысты разыйæ. Знон та сын уыд гала-концерт æмæ йæм æрбахуыдтой, университеты æвзарæн къæпхæнты йæхи хуыздæр чи равдыста, уыдоны.

Сочийы 2014-æм азы Олимпаг хъæзтыты темæимæ баст у студентты уалдзыгон республикон фестиваль. Ацы фестивальмæ фæсивæд цымыдисæй фенхъæлмæ кæсынц. Ацы аз дæр сын у бæрæгбонау. Архайдтой дзы Цæгат Ирыстоны паддзахадон универститеты 20 факультеты. Æдæппæтæй 400 адæймаджы.

Æртæ боны йæ архайджытæ сæ арæхстдзинад æвдыстой цыппар номинацимæ гæсгæ. Вокалон, хореографион, театралон æмæ оригиналон жанры.

Плиты Махарбег, УФ-йы сгуыхт артист: «Æз мæхæдæг уыдтæн жюрийы, æмæ мæ бон фидарæй зæгъын у, мæ зæрдæ сæ кæй барухс, уый».

Конкурсон программæйы фæстæ университеты арæзт æрцыд гала – концерт. Хуынд æм æрцыдысты университеты æвзарæн къæпхæнты хуыздæр номыртæ чи равдыста, уыдон.

Фестивалы архайджытæ фылдæр се ргом аздæхтой спортмæ. Алы рацыды дæр сын, зæгъæм, вокалы, кæнæ хореографийы уыд Сочийы Олимпиадæимæ баст æууæлтæ. Конкурсы хуыздæр равзарын æнцон нæ уыд, иууылдæр равдыстой хорз цæттæдзинад. Фæлæ сæйрагдæр у, фестивалы архайын. Студенттæм сæ ахуыры азтæй баззайы бирæ æхсызгон æнкъарæнтæ.

Биджелты Бертæ, фæсарæйнаг æвзæгты факультеты студенткæ: «Мæн фæнды, цæмæй студентон азтæй мæ зæрдыл æрмæст ахуыр ма бадарон, фæлæ культурон цард дæр».

Студенты фестивалы кæронбæттæн къæпхæн арæзт цæудзæн 1-æй 5-æм апрелмæ. Архайдзысты дзы республикæйы сеппæт уæлдæр ахуыргæнæндæттæ. Уым чи фæуæлахиз уа, уыдон та майы хуынд æрцæудзысты Уæрæсеаг фестивальмæ, Ульяновскмæ.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: