филиал вгтрк государственная телерадиовещательная компания “Алания”

16:05 понедельник, 21 октября 2019
27 марта, 11:18
1
5
Хæххон аграрон университеты ахуыргæндтæ хæстæгдæр рæстæг райдайдзысты хурмайы талатæ садзын
Лимонтæ, апельсинтæ, гранаттæ… Бирæтæ афтæ æнхъæл сты, ацы дыргътæ зайынц æрмæстдæр хъарм бæстæты. Хæххон аграрон университеты ахуыргæндтæ уыимæ разы не сты. Сæ ахуырадон фæлварæн зæххытыл цы бæлæстæ зайы, уыдоны кой айхъуыст æгас Цæгат Кавказыл. Хæстæгдæр рæстæг та ма сæм фæзындзæн хурмайы талатæ.

Афæдзы алы афон ананастæ æмæ кокостæ – Эквадорæй, хуырма – Европæйæ, сæрдыгон та Гуырдзыстонæй æмæ Азербайджанæй. Æппæт ацы дыргътæ Цыбырты Каха Цæгат Ирыстонмæ ласы 20 азы бæрц. Уæвгæ, адджын æмæ хæрзад экзотикон дыргътæ бирæтæн сты уарзон. Фæлæ сæ нæ республикæйы æрзайын кæнынæн, хъыгагæн, нæ æрдзон уавæртæ нæ бæззынц. Ахæм хъуыдыйыл бирæтæ хæст уыдысты… Ныр хæххон аграрон университеты ахуыргæндтæ, алыхуызон фæлварæнты фæстæ фидарæй зæгъынц – хуырма æрзайын кæнæн ис Цæгат Ирыстоны дæр.

Гæздæнты Азан цалдæр азы кæны хурыскæсæйнаг дыргъ нæ республикæйы зæххытыл апарахат кæныны куыст. Хуырма уарзы хъарм æмæ хур. Фæлæ уазæлттæн фæразон хуырмайы хуызæн – нæ республикæйы климæт хъуамæ фæбæзза. Ис «виргинский» кæй хонынц, ахæм хуыз æмæ йæ 30-40 градусы уазал дæр нæ бахъыгдары. Æмæ йæ талатæ аграритæ фæнд кæнынц ныссадзын нæ республикæйы.

Китай æмæ Украинæйæ уал Цæгат Ирыстонмæ баластой гибриды 6 хуызы. Сæхи хорз равдыстой. Гæздæнты Азан сæ ныссагъта йæхи зæххы хайыл дæр. Семæ кусы аграрон университеты фæлварæн фæзтыл дæр. Агроуниверситеты фæлварæн зæххытыл цы дыргъбæлæсты ног хуызтæ рауадзынц, уыдоны талатæм ссæуынц Цæгат Кавказы алы регионтæй. Уæвгæ, ахуырадон фæлварæн фæзтыл цы бæлæстæ зайынц, уыдонæн сæ дыргътæ сты стыр æмæ адджын. Фидæн фæззæг ма дзы ныссаддзысты хуырмайы бæлæстæ. Уый нæ, фæлæ ма талатæ байуардзысты республикæйы районтыл. Æмæ алкæмæн дæр йæ бон уыдзæн йæ дыргъдоны хуырмайы бæркад исын. Æрмæст ахуыргæндтæ курæг уыдзысты, цæмæй сæ йæхимæ чи ныссадза, уыдон сын хъусын кæной, эксперименталон талатæ сæхи куыд æвдисынц æмæ æнкъарынц, уый тыххæй.

Зыхъуаты Жаннæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: