филиал вгтрк государственная телерадиовещательная компания “Алания”

01:34 суббота, 16 ноября 2019
27 марта, 17:34
3
5
100 милуан киловатты сахатмæ, ахæм бæрæггæнæн хыгъд æрцыд Зæрæмæджы Гидроэлектростанцæйы
100 милуан киловатты сахатмæ, ахæм бæрæггæнæн хыгъд æрцыд Зæрæмæджы Гидроэлектростанцæйы. Нымæц дзурæг у станцæйы ахадгæ куыстыл. Ныр кусджыты разæнгарддзинадыл бафтыд, арæзт цæуы дыккаг, ноджы тыхджындæр гидроэлектростанцæ.

Зæрæмæджы гидроэлектростанцæйы сменæйы хицау Аккæлаты Сергей арæхæй арæхдæр кæсы энергинымайæн кусæнгарзмæ. Йе `мкусджытимæ æнхъæлмæ кæсы, 100 милуан киловатты сахатмæ кæд равдисдзæн, уымæ. Ацы бæрæггæнæн у 3 азы æмæ 6 мæйы куысты æвдисæн. Дæнцæгæн та зæгъдзыстæм, афæдзмæ, 40 мин адæймаджы цы горæты цæры, уыдон схардз кæндзысты уыйас энерги.

Ацы цауыл Зæрæмæджы гидроэлектростанцæйы кусджытæ сæмбæлдысты къухæмдзæгъдæй. Нымайæны нымæцтæ дзурынц, станцæ хорз кæй кусы ууыл, æмæ сæ разангард кæны дарддæры архайдмæ.

Зæнджиаты Хъазыбег, «Русгидро»-йы цæгатирыстойнаг хайады сæйраг инженер: «Уыцы 100 миллионы бирæ у æви чысыл, уый цæмæй телевизормæ кæсджытæ бамбарой, уый тыххæй зæгъæн ис афтæ, Æрыдон, Алагир æмæ Мызур афæдзмæ электрон тых цас схардз кæнынц, уыйбæрц абон Зæрæмæджы ГЭС радта электрон тых хызтæм».

Ныртæккæ ма арæзт цæуы ноджы тыхджындæр гидроэлектростанцæ — Зæрæмæг–2. Проектæн скодтой аккаг аргъ, куыстуат ифтонг уыдзæн нырыккон дæр кусæнгæрзтæй æмæ дзуапп дæтдзæн æдасдзинады домæнтæн.

Тотраты Виталий, Зæрæмæджы ГЭС-ы генералон директор: «Æхцайы фæрæзтæ нын куы радтой, уæд тагъддæр ауаддзыстæм станцæ дæр. Ирыстон, афтæ зæгъдзынæн 80% йæхи энергийæ фаг кæндзæни. 20% ма исдзыстæм сыхаг республикæтæй. Ныртæккæ та 70% исæм сыхаг республикæтæй».

Сæйрагдæр дзы у гидротехникон плотинæ саразын. Уый уыдзæн фидар æмæ канд дон не `мбырд кæндзæн, фæлæ пайда уыдзæн донивылдтыты рæстæг дæр. Суткæмæ цы дон æрæмбырд кæна, уый сабыргай уаддзæн, афтæмæй хъахъхъæд цæудзысты хидтæ æмæ фæндæгтæ.
 
Моргуаты Ладæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: