филиал вгтрк государственная телерадиовещательная компания “Алания”

16:03 понедельник, 21 октября 2019
28 марта, 11:23
1
5
Æрыдоны районы амалхъом адæмæн сарæзтой сæрмагонд семинар
Ныхас дзы цыд, чысыл бизнесы архайджытæн ныртæккæ Цæгат Ирыстоны амалхъомдзинады райрæзты центр цавæр æххуыс кæны, ууыл. Семинары архайджытæй иу Дзитойты Феликс йæхи хъарутæй сарæзта хæдзары дзаумæттæгæнæн цех. Æмæ ныр лæггад кæны канд Æрыдоны районæн нæ, фæлæ ма Горæтгæроны, Æрæфы æмæ Алагиры районты цæрджытæн дæр.

Дзитойты Феликс хи куыстуат байгом кодта аст азы размæ. Амалхъом адæймаг æппынæдзух йæ зæрдыл дары, куыд райдыдта кусын, уый. Йæхи хъарутæй сарæзта хæдзары дзаумæттæгæнæн цех. Æмæ ныр лæггад кæны канд Æрыдоны районæн нæ, фæлæ ма Горæтгæроны, Æрæфы æмæ Алагиры районты цæрджытæн дæр. Æрæджы ма йæм заказгæнджытæ фæзынд Дзæуджыхъæуы æмæ хæххон хъæуты.

Зæгъæн ис, æмæ Феликсæн йæ куыст цæуы, куыд æмбæлы, афтæ. Фæлæ йæ тыхсын кæны иу хъуыддаг. Цæмæй куыстуаты архайд фæхъомысджындæр уа, уый тыххæй йæ хъæуынц нырыккон кусæнгæрзтæ. Уымæн æмæ ныры онг кæмæй пайда кæнынц, уыдон цехы кусджытæн сты сæхи къухтæй конд.

Æрæджы амалхъом адæмæн цы сæрмагонд семинар арæзт æрцыд, уым Дзитойты Феликс бафарста, чысыл бизнесы архайджытæн ныртæккæ Цæгат Ирыстоны амалхъомдзинады райрæзты центры цавæр æххуыс кæнынц, уый тыххæй.

Зорыхъоты Альбинæ, Æрыдоны районы экономикон рæзты хайады сæйраг специалист: «Арæх нæм æрбацæуынц амалхъом адæм. Фæфæнды сæ гранттæ райсынæн æххуыс. Мæ бон зæгъын у, ныртæккæ паддзахад стыр æххуыс кæй кæны хи куыстуæттæн. Уыимæ хъæуты чи кусы, уыдонæн. Суанг ма сын сæрмагонд программæтæ дæр сфидар кодта. Зæгъæм, Бæрæгъуыны цы хæдзары дзаумæттæгæнæн цех кусы, уыдонæн хъæуы сæ кусæнгæрзтæ нырыккондæртæй аивын. Æмæ сын мах, æнæмæнг, баххуыс кæныдзыстæм».

Æрмæст Æрыдоны районы амалхъом адæм ис дыууæ мины æмæ фондз сæдæ адæймагæй фылдæр. Сæ иумæйаг фембæлды дзырдтой гранттæ райсыны хъуыддагыл. Чысыл бизнесæн æххуысы цæгатирыстойнаг управленийы хицау Цæбиты Тимур куыд загъта, афтæмæй æнтстджынæй кусы республикон программæ. Уæдæ финансон фарстаты фæдыл æнгом æмгуыстад кæнынц федералон центримæ дæр. Ныртæккæ Дзитойты Феликсы хъæуы курдиат ныффыссын, æмæ йæ амалхъомдзинады центрмæ бадæттын. Уый фæстæ йын финансон фонд афæдзы мгъуыдмæ уæлæмхасæн 10 процентимæ хæсæй ратдзæн иу милуан соммæ ввахс. Специалистты хъуыдымæ гæсгæ, уымæй хуыздæр уавæртæ амалхъом адæмæн æрхъуыдыгæнæн нæй.

Фидараты Маринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: