филиал вгтрк государственная телерадиовещательная компания “Алания”

01:33 суббота, 16 ноября 2019
29 марта, 14:41
3
5
Абон Такъоты Сергейы разамындæй уыд Хицауады радон æмбырд
Боны фæткмæ рахастой 25 фарстайы. Хатдзæгтæ скодтой, ивгъуыд азы медицинон фæдзæхстады территориалон фонды бюджет куыд æххæстгонд æрцыд, уымæн.

Фæллойы æмæ социалон рæзты министрад куыд банымадта, афтæмæй ивгъуыд азы 4-æм кварталы нæ республикæйы фæцæрынæн æппын къаддæр рæстæмбис нымадæй бахъуыд 5 мины 468 сомы. Уыимæ куыстхъом адæймагæн – 5 мины 929 сомы, пенсиисæгæн – 4 мины 456, сывæллонæн та – 5 мины 237 сомы. Раздæры нымæцтимæ абаргæйæ, сты бæрзонддæр. Ивддзинæдтæ хаст æрцыд Хицауады уынаффæмæ, æмæ уыдонмæ гæсгæ, сидзæртæн цæрæнуæттæ дæттыны хæстæ æвæрд уыдзысты фæллойы æмæ социалон рæзты министрадыл.

Бæстон ныхас уыд бирæфатерон хæдзæртты бындурон цалцæджы æмæ адæмы кæлæддзаг хæдзæрттæй æндæр бынæттæм раивыны программæтæ æххæст кæныныл. Бирæ фарстатæ ис федералон фонды æхцайы фæрæзтæ афоныл схардз кæныны хъуыддагмæ. Такъоты Сергей бадомдта, цæмæй æнæаргъæвгæйæ лыггæнинаг фарстаты фæдыл хъæугæ мадзæлттæ конд æрцæуой æмæ республикæ дарддæр дæр архайа уыцы ахсджиаг федералон программæты.

Хуыты африкæйаг емынæ ногæй нæ республикæйы кæй фæзынд, уымæ гæсгæ конд цæуынц мадзæлттæ, цæмæй низ ма апарахат уа æмæ фос дарыны къабазæн зиан ма æрхæсса. Хицауады сæрдары хæдивæг Белеккаты Рафаэль куыд загъта, афтæмæй, низ цы хъæуты рабæрæг, Рæмонты хъæуы æмæ Нартыхъæуы, æвæрд æрцыдысты дезинфекцигæнæн постытæ. Уымæй уæлдай, хуыты æддæмæ уадзæн нæй, æмæ уымæ хъусдард уыдзæн.

Белеккаты Рафаэль, РЦИ-Аланийы Хицауады сæрдары Хæдивæг: «Дыууæ районы уыцы низ раиртæстой, алцыдæр кæндзыстæм, цæмæй ма апарахат уа. Курдиат ис адæммæ, цæмæй, хуытæ чи дары, уыдон сæ сабыргай къаддæр кæной, науæд та сæ рæстæгмæ бынтондæр фесафой. Тæссагæй дзы ницы ис, адæмыл уыцы низ нæ хæцы. Базарты дзидза дарддæр дæр уæй кæндзысты. Дзидза æлхæнгæйæ та, æрмæст закъонмæ гæсгæ кæм æмбæлы, уым æлхæнæнт. Уынгты уæй кæнын нæй, уымæ дæр нæ цæст дардзыстæм. Адæммæ мæм ис курдиат, цæмæй кæм æмбæлы, уым æлхæной».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: