филиал вгтрк государственная телерадиовещательная компания “Алания”

22:46 воскресенье, 17 ноября 2019
01 апреля, 11:11
3
5
Дзæуджыхъæуы арæзт æрцыд наукон конференци «Офтальмологийы ахсджиаг фарстатæ»
Катарактæйы хирурги, цæстыты хызæджы патологи, глаукомæйы микроинвазивон хирургийы нырыккон технологитæ. Дзæуджыхъæуы арæзт æрцыд наукон конференци «Офтальмологийы ахсджиаг фарстатæ». Архайдтой дзы Цæгат Кавказы æмæ Мæскуыйы цæстыты клиникæты дохтыртæ. Лекцитæ кастысты Уæрæсейы федералон медикон-биологон агентады офтальмологийы центры æмæ наукон-техникон комплекс «Цæстыты микрохирурги»-йы хуыздæр специалисттæ. Конференцийы архайджытæн уыди видеоæрмæг феныны фадат. Æвдыст дзы цыди, катарактæ кæмæ ис, уыцы адæмæн ультразвукы руаджы операцитæ кæныны ног хуызтæ.
 
Туаты Джульеттæ, Цæстыты низты клиникæйы 2-æм хайады сæргълæууæг: «Ам æрæмбырд сты цæстыты дохтыртæ Цæгат Кавказы клиникæтæй, стæй Мæскуыйæ. Тынг ахсджиаг у махæн ацы конференции. Мæнæн мæ зæрдæмæ фылдæр фæцыди, мæнæ глаукомæ кæй хонынц, уыцы низы дзæбæхгæнæн фæрæзтæ. Уымæн æмæ уый тынг уæззау низ у, рынчынмæ куы фæзына, æмæ йæ афоныл куы нæ дзæбæх кæнай, уæд адæймаг куырм кæны. Æмæ йын уæд ницыуал æххуыс кæны. Æмæ кæрæдзийы æххуысæй мах дæр ногдзинæдтæ базондзыстæм».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: