филиал вгтрк государственная телерадиовещательная компания “Алания”

12:43 пятница, 15 ноября 2019
01 апреля, 11:20
3
5
Чырыстийы дзуары хъæдæй хай, йæ венецæй сындз, æмæ йæ хæдонæй гæбаз æрбаластой Цæгат Ирыстонмæ
Ацы 3 сыгъдæг дзаумайы пехуымпар Ильяйы аргъуаны уыдзысты 14 апрельмæ. Бандзæвыны фадат сæм ис се ппæтæн дæр. Дины кусджытæ куыд зæгъынц, афтæмæй сын ис уæларвон тых.
Ацы хатт хуыцаубоны аргъуыдмæ пехуымпар Ильяйы аргъуанмæ æрбацыд бирæ адæм. Чырыстон диныл хæст чи у, уыдон куы базыдтой, республикæмæ Чырыстийы венецæй сындз, йæ дзуары хъæдæй æмæ йæ хæдонæй хæйттæ æрбаластой, уый, уæд сæм æнæмæнг бандзæвын сæ хæсыл банымадтой. Езеты Зинæидæ куыд зæгъы, афтæмæй уырнæг адæмæн, уый стыр ахъаз у.

Езеты Зинæидæ: «Æххуысгæнæг нын у, æмæ ныл æнæнхъæлæджы хорздзинад æрцыд. Ацы стыр лæвар нын Хуыцау бакодта. Æххуыс кæны, цæмæй нæ фæндаг рухс уа, Хуыцаумæ фæндаг, уый тыххæй. Æрбацæут, æмæ бакувут, Ирыстоны адæм».

Адæм куывдтой сабырдзинадмæ, стæй сæ хæстæджытæ цæмæй æнæниз уой, уымæ. Дины кусджытæ куыд зæгъынц, афтæмæй историйы зындгонд сты, ацы сыгъдæг дзаумæтты уæларвон тых адæмæн куы æххуыс кодта, ахæм цаутæ. Зæгъæм, ахуыргонд Паскалæн йæ хо уыд уæззау рынчын. Чырыстийы венецæй сындзмæ куы бандзæвыд, уæд сылгоймаг уайтагъд адзæбæх.

Берозты Иосиф, пехуымпар Ильяйы аргъуаны клирик: «Цы горæты вæййынц, уым сабыр вæййы, рынчынтæ сдзæбæх вæййынц. Ис ахæм рынчынтæ, æмæ сын дохтырты бон баххуыс кæнын нæ вæййы, фæлæ ам æвиппайды сæ къæхтыл слæууынц. Куыд ма дзырдтон, дзуар куы æрæвæрдтой мардыл, уæд райгас ис. Уыдон сты стыр хъуыддаг, рынчынтæн дæр, æнæ уый дæр».
Чырыстийы венецæй сындз, йæ дзуары хъæдæй æмæ йæ хæдонæй хæйттæ Уæрæсемæ æрбаластой Францийæ. Цæгат Ирыстоны сты фыццаг хатт. Пехуымпар Ильяйы аргъуаны уыдзысты 2 къуырийы. Уый фæстæ сæ фæстæмæ Францимæ арвитдзысты.

Хъайтмазты Дзерассæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: