филиал вгтрк государственная телерадиовещательная компания “Алания”

16:10 понедельник, 21 октября 2019
01 апреля, 11:22
1
5
Медицинон наукæты доктор Æмбалты Симæйы цардвæндаг
Арæх ис фехъусæн, «Адæймаг амондджын уæд у, йæ куыстмæ цингæнгæйæ куы цæуа, йæ хæдзармæ та зæрдæрайгæйæ». Ахæм амондджын сылгоймагыл банымайæн ис медицинон наукæты доктор, профессор, Уæрæсейы зонынады академийы æцæг уæнг, æппæтдунейон зонынады уæлдæр скъолайы æцæг уæнг, æртæ кæстæры мад, уарзон нана æмæ хæдзары ‘фсин Æмбалты-Дзгойты Симæйы. Уый æдде ма Симæ у стыр курдиаты хицау дæр. Йæ фæндыры цагъд ын барстой нæ зындгонд артисттимæ. Арæх йæ цæгътытæ фехъусæн уыд радиойы.

«Куыд дæ мæ дзæбæх рынчын?», афтæ фæлмæн ныхасæй райдайы йæ ныхас пациенттимæ медицинон наукæты доктор, Дзæуджыхъæуы 1-æм рынчындоны ревматологийы хайады пропедефтикæйы кафедрæйы профессор Æмбалты-Дзгойты Симæ. Æмæ рынчынæн дæр йæ рыстытæ фæкъаддæр вæййынц.

Ногъайты Иринæ, Медицинон хо: «Симæйымæ мах кусæм 20 азæй фылдæр. У тынг хумæтæг адæймаг. Хорз дохтыр. Студенттимæ дæри у æвзагыл дзурынц рынчынтимæ дæр у тынг фæлмæн».

«Адæймаг цас зонджын дæр уа, уыййас хумæтæг дæр». Мах нæхæдæг æвдисæн уыдыстæм кафедрæйы профессор, бирæ наукон иртæстыты автор, Уæрæсейы академийы уæнг, куыд хумæтæгæй ныхас кæны студеттимæ. Чи зоны се æрыгон цæсгæмттæм кæсгæйæ йæ зæрдыл æрбалæууынц йæхи æвзонг бонтæ. Ахæм рæстæг йæ хуыздæр фæрæз, къамты альбом рафæлдахын æмæ мысинæгты арф хъыдыты аныгъуылын. Симæ хъомыл кодта Заманхъулы кадджын бинонты æхсæн. Йæ фыд Дзгойты Аслæнбег, Дæппæ – хæстæй ветеран, мад Гукла – ахуыргæнæг, стыр æвæрæн бахастой сæ 5 хъæбулы раст хъомыладмæ. Сæ фæдзæхст уыд…

Дзгойты Æмбалты Симæ, профессор, медицинон наукæты доктор: «Макуы кæнут хъæр ныхас, макуы макæйы зæрдæхуыдты бацæут, адæмæн уарзон куыд уат афтæ уæхи дарут, сыхбæстæн, хъæубæстæн æмæ кæд уый уæ къуыхы бафта, уæд уыдзыстут амондджын».

Абон йæ царды бæрзæндæй акæсгæйæ Симæ æцæгæй дæр у амондджын. Æрыгон чызгæй сæххæст йæ бæллиц, райста уарзон дæсныйад, фæстæдæр фарны къах бавæрдта Æмбалты хæдзармæ, йæ цардæмбал Измаилимæ сын рацыд цот. Фырт æмæ 2 чызджы. Уыдон дæр райстой уæлдæр ахуырад æмæ кусынц бæрнон бынæтты. Кæстæр Элинæ та ацыд йæ мады фæндагыл, уый дæр уыдзæн дохтыр, ныртæккæ ахуыр кæны Мæскуйы.

Дзгойты Æмбалты Симæ, профессор, медицинон наукæты доктор: «Бахаудтæн хорз бинонты къухмæ. Уыдис дзы куырыхон сылгоймаг, Рухсаг уæт, æгас нал у. Уыцы сылгоймаг мæ размæ фæндæгтæ не ‘рыхгæдта, фæлæ захта: «Куыд дæ бон у, афтæ сахуыр кæн, мæнæн дæрм мæ бон куыд уа афтæ хæдзары архайдзынын». Æмæ æз абон стыр бузныг зæгъын, йæхæдæг кæд æгас нал у, уæддæр мА йын ис хо, æрæджы йын йæ юбилейон 100 азы сбæрæг кодтам.»

Хъаныхъуаты Езетхан, Симæйы æфсины хо: «Тынг адджын цард фæкодтой тынг адджын цард. Мах иу мады зæнæг уыдыстæм, фæлæ мæ хо куы нал уыд, уæд йыл Симæ махæй тынгдæр фæрыст. Фæндымæ алчи дæр афтæ куы цæрит, мад æмæ чызджы хуызæн. Искæйы сылыстæг дæр цæрынмæ æрцæуы. Æмæ уымæн дæр цард дæттын хъæуы. Симæ у зондджын адæймаг æмæ йæ тынг барæвдыдта».

Симæ канд ахуырады бæрзæнттæм не схыст, фæлæ мА у дæсны фæндырдзæгъдæг. Институты ахуыр кæнгæйæ йæ фæндырдзагъд хъуысыдис радиойы уылæнты. / Уыцы пленкæтæ нырдæр цæстыгагыйау хъахъхъæны радиойы режиссер Гæззаты Зойæ.

Гæззаты Зойæ, Цæгат Ирыстоны радиойы звукорежиссер: «Уæды рæстæг афтæ дæсны чи цагъта, уыдонæй иу уыдис, Мыстулаты Ирæ, Дзеранты Венерæ, Мамиаты Замирæт æмæ мæ бон уыдис Симæйы дæр се мрæнхъ æрæвæрын. Æз рæстытæ кæй дзурын уый сымах ныртæккæ йæ цагъдмæ куы байхъусат уæл дызæрдыг нал кæндзыстут».

Ацы бон Симæйæн у йæ гырæн бон, фæлæ æнхъæл нæ уыд ахæм хуызы лæвар райсын. Кæддæр студенткæйæ, Заманхъуйлаг, Дзгойты Аслæнбеджы чызг Симæ цы цæгътытæ кодта, уыдон та азæлыдысты радиойы уылæнты, фæлæ сæм ныр хъуыста æрыгон, фæлæ царды фæндагыл чи ауад, йæ цоты цотыл чи цин кæны, наукæйы бæрзæндтæм чи æсхыст, ахæм амондджын сылгоймаг, хæдзары æфсин Æмбалты Симæ.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: