филиал вгтрк государственная телерадиовещательная компания “Алания”

00:30 вторник, 19 ноября 2019
01 апреля, 17:28
5
5
Октябрьскийы спортивон комплексы уыд дунейон къласы спорты мастер уæгъдибар хъæбысхæстæй Наниты Вадимы номыл фыццаг республикон турнир
Октябрьскийы спортивон комплексы уыд дунейон къласы спорты мастер уæгъдибар хъæбысхæстæй Наниты Вадимы номыл фыццаг республикон турнир.

Зындгонд спортсмены цардвæндаг уыд цыбыр, фæлæ ирд. 1998-æм азы сси Уæрæсейы чемпион, 2002-æм азы та æфсæддон командæты æхсæн уæлахиздзау. 6 азы размæ Наниты Вадим бахауд фæндаггон фыдбылызы æмæ фæмард.

Ацы турнир йæ номыл сарæзтой йе `мбæлттæ республикæйы фæсивæды хъуыддæгтæ, физкультурæ æмæ спорты министрады æххуысæй. Ерыстæ байгом сты кадджын уавæры, архайдтой дзы йæ тренертæ, йе `рдхæрдтæ æмæ йæ хæстæджытæ. Европæйы, Дунейы æмæ Олимпаг хъæзтыты чемпионтæ уæгъдибар хъæбысхæстæй. Йæ фыдæн ын балæвар кодтой машинæ. Ерысты архайдтой 1995-1997-æм азты гуырд лæппутæ. Уæлахиздзаутæн радтой майдантæ, кады гæххæттытæ æмæ `хцайы премитæ. Турнир аразджыты фæнд у Наниты Вадимы номыл ерыстæ иудадзыгон скæнын.

Киситы Юрий, уæрæсейы сгуыхт тренер: «Вадим уыд тынг æгъдауджын. Рухсаг уæт. Æрыгонæй ахицæн, фæлæ йæ мах никуы ферох кæндзыстæм. Фыццаг хатт йæ номыл сарæзтой ерыстæ. Æмæ тагъд рæстæджы дзы исти спорты бæрзæндтæм схиздзæн æмæ зæгъдзысты фыццаг хатт рахæцыдтæн Вадимы турниры.

Наниты Валерий: «Йæ тренертæ, йæ æмгæрдтæ, стыр бузныг дæн ацы турнир чи сарæзта, уыдонæй. Ацы турниры архайджытæн та мæ зæрдæ зæгъы чемпионтæ куыд суой, Таймæзты Артур æмæ бирæ æндæр спортсменты хуызон».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: