филиал вгтрк государственная телерадиовещательная компания “Алания”

22:58 воскресенье, 17 ноября 2019
02 апреля, 12:14
3
5
Æртæ цæгатирыстойнаг проекты систы Уæрæсейы президенты Грант
Бæхылбадджыты студи, адæмон æмæ традицион культурæйы скъола, ансамбль «Алан»-ы ног сценикон уæлæдарæс. Ацы æртæ цæгатирыстойнаг проекты систы Уæрæсейы президенты Гранты аккаг æмæ райстой фæйнæ 600 мин сомы.

Бæхты театр «Нарт» — ы директор, Гæлæуты Аслæнбег зæрдиагæй дзуры, фидæны цы скъола байгом кæндзысты, уый тыххæй. Проектыл куыста афæдз æмæ æрдæг. «Бæхыл бадын Цæгат Ирыстоны кадджын у», -зæгъы артист. Театры ныртæккæ хъæуы æрыгон кусджытæ æмæ цас фылдæр фæсивæд æрбацæуа, уыйас хуыздæр.

Гæлæуты Аслæнбег, Бæхты драмон театр «Нарт»-ы аивадон разамонæг: «Ирыстоны цыдæриддæр фæсивæд ис, æмæ кæй зæрдæ агуыры бæхыл бадын, уыдонæй хъуамæ райсомы фæлтæр равзарæм. Кæй зæгъын æй хъæуы дызæрдыг кодтам, кæй рамбулдзыстæм, уый, фæлæ къухы кæй бафтыд, уый тынг æхсызгон у».

Дыууæ мæйы размæ æртæ гектары фæзуатыл, артисттæ сæхи фæрæзтæй райдыдтой бæхдон аразын, тагъд ма дзы фæзындзæн манеж. Цы Грант рамбылдтой — 600 мин сомы, уымæй та скъола сифтонг кæндзысты нырыккон автоматикон кусæнгæрзтæй. Бæхты скъола «Кентавр» хъуамæ кусын райдайа сентябры.

Президенты Грант ма рамбылдта традицион культурæйы æмæ этнотуризмы республикон центры директор Цæриаты Валерийы проект дæр. Цы æхцайы фæрæзта райса, уыдонæй сараздзæн адæмон æмæ традицион культурæйы фыццаг скъола. Бакусдзæн ирон æвзаджы райрæзтыл, документалон кинонывтæ æмæ литературæ рауадзыныл.

Цæриаты Валерий ,Традицион культурæйы æмæ этнотуризмы республикон центры директор: «Абон цы хорздзинад фехъуыстам, президент нын цы. Пайда хæссой нæ аивадæн, нæ культурæйæн, нæ адæмæн».

Ног æвæрд кæфтытæй адæмы зæрдæтæ барухс кæндзæн паддзахадон адæмон кæфтыты ансамбль «Алан». Йæ разамонæг Къубалты Эльбрус программæ «Алайнаг зылд» саразыны тыххæй цы проект скодта, уый дæр рамбылдта хореографион номинациты конкурсы.

Проекты автортæ куыд зæгъынц, афтæмæй ацы уæлахиз национ культурæйы райрæзтмæ у сæ фыццаг къахдзæф. Дарддæр сæ архайд нæ фæмынæг кæндзысты.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: