филиал вгтрк государственная телерадиовещательная компания “Алания”

12:44 пятница, 15 ноября 2019
02 апреля, 12:14
30
5
Ансамбль «Амонд» сси сывæллæтты сфæлдыстады 11-æм æппæтадæмон конкурсы фыццаг къæпхæны лауреат
Республикæйы культурæйы колледжы кафт æмæ зарды ансамбль «Амонд» сси сывæллæтты сфæлдыстады 11-æм æппæтадæмон конкурсы фыццаг къæпхæны лауреат. Сæ хореографион курдиат дзы æвдыстой 36 къорды бæстæйы алы рæттæй, стæй хæдбар паддзахадты æмхæларады бæстæты минæвæрттæ. Ансамбль «Амонд» дзы равдыста кафт «Амазонкæйы чызг». Сæвæрдта йæ хореограф Суанты Валерий.

Стыр тых, фидар удыхъæд æмæ аив бакаст. Кафты бындуры æвæрд æрцыд алайнаг сылгоймæгты тыххæй таургæъ, сылгоймæгты æмæ нæлгоймæгты ныхмæлæуд.

Ансамбль «Амонд»-ы солисткæ Кокойты Аринæйы кафты равдисын хъуыд алайнаг сылгоймæгты раздзоджы сурæт. Уымæ культурæйы колледжы студенткæ йæхи зæрдиагæй цæттæ кодта. Æмæ кæд ахæм кафты фыццаг хатт архайдта, уæддæр йæ сурæт æххæстæй сарæзта.

Кокойты Аринæ, РЦИ-Аланийы культурæйы колледжы студенткæ: «Мæ зæрдæмæ ацы кафт цæуы. Ис дзы стыр мидис. Æз уыдтæн амазонкæты раздзог, æмæ мæ хъуыдис равдисын, куыд тыхджын сты, уый».

Кафт «Амазонкæйы чызг» сæвæрыныл бакуыста хореограф Суанты Валерий. Куыд зæгъы, афтæмæй йын сывæллæттимæ кусын цымыдисаг уыд. Цы хъуыды сын бамбарын кодта, уый сын царды рауадзын бантыст. Алы кафты дæр хъуамæ уа цавæрдæр мидис, зæгъы Суанты Валерий. Абоны цард ахæм домæнтæ æвæры хореографийы раз. Конкурсы кафт «Амазонкæйы чызг» тынг фæцыд жюрийы зæрдæмæ.

Цехъойты Ларисæ, РЦИ-Аланийы культурæйы колледжы директор: «Лирикон музыкæ нын ныффыста Махъоты Ацæмæз. Æмæ нæ уым конкурсы президент афтæ бафарста – италиаг музыкæ дам у. æмæ йæм афтæ кæсгæйæ баззадыстæм, уый зæгъын ирон композитор у. никæйы бауырныдта, уый ирон композитор ныффыста ахæм музыкæ, уый. Валерæ сæ амбырд кодта, æмæ сын загъта, сымахæй хуыздæр ам иу дæр нæ уыдзæн. стæй сын æз дæр загътон, махæн республикæмæ æнæ фыццаг бынат бацахсгæйæ цæуæн нæй, уый уыдзæн стыр худинаг».

Хъæздыг истори æмæ фидар уидæгтæ. Ацы хорзæхтæй æнæ спайдагæнгæ нæй, æмæ уый нæ студенттæ æмбарынц, зæгъы Цæгат Ирыстоны культурæйы колледжы директор Цехъойты Ларисæ. Куыд архайын сыл хъæуы, уый быцамонын та у педагогты хæс.

Бедойты Кристина, РЦИ-Аланийы культурæйы колледжы студенткæ: «Кафт æвæрд у Нарты кадджаты бындурыл, стыр хъуыды дзы æвæрд ис. Мæнæн мæ зæрдæмæ ацы кафт тынг фæцыди. Фыццаг архайын ахæм кафты».

Ныртæккæ кафджыты ансамбль йæхи цæттæ кæны ног сфæлдыстадон бæрзæндтæм. Кафт «Амазонкæйы чызг» хъуамæ равдисой æппæтадæмон конкурсы. Акафдзысты дунейы хуыздæр сценæтæй иуыл – немыцаг горæт Баден Бадены. Конкурс ацæудзæн фæззæджы, Германийы.

Гугкаты Иринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: