филиал вгтрк государственная телерадиовещательная компания “Алания”

16:03 понедельник, 21 октября 2019
02 апреля, 12:14
1
5
«Спутничы» цæрджытæ разы не сты, сæ зæххы хæйттæ сæ горæты арæзтæдтæн раттын кæй хъæуы, уыйимæ
Уымæй дарддæр æмбалады цæрджытæн сæ зæххыты ныхмæ ног хæйттæ дæттынц Попов хуторы. Уыцы хъуыддагимæ та æмбалады уæнгтæ æппындæр не сты разы.

Иван Мотренко Фыдыбæстæйы Стыр хæсты фæндæгтыл фæцыд кæрæй кæронмæ. Уый фæстæ кусын райдыдта æфсæн-бетон конструкцитæ аразæн заводы. Уæлдай циндзинад та йын лæвæрдта æмбæлад «Спутничы» цæхæрадоны кусын. Цы цыппар дæсæтины йын дзы ис, уым æрзайын кодта бæлæстæ, мæнæргъыйы къутæртæ. Æмæ ныр зæххы хицау кæй нал у, уый йын тынг хъыг у. Иван Мотренко æмæ ма республикйы заводты иннæ дыууæ мин кусæджы фæндзай азы размæ райстой ацы зæххытæ. Сарæзтой дзы хæдзæрттæ. Фæлæ дзы ныр хъуамæ горæты администраци сараза ног микрорайон. Уыимæ цæхæрадæтты æмбалады цæрджытæ разы не сты.

Дзæуджыхъæуы администрацийы куыд зæгъынц, афтæмæй ацы зæххытæ адæмæн лæвæрд æрцыдысты рæстæгмæ. Уымæн æмæ горæты арæзтады пъланмæ гæсгæ сты, цæрæн хæдзæрттæ æмæ æндæр арæзтæттæ кæм хъуамæ уой, уыцы ран.

Æмбалады цæрджытæн сæ зæххыты ныхмæ цы хæйттæ лæвæрдтой, уыдон сты Реданты æмæ Южныйы. Фæлæ уым уæгъд бынæттæ нал ис. Баззад ма сын Попов хутор.

Цæхæрадæтты æмбалады уæнгтæ сæ зæрдæ дарынц, компенсацитæ сын кæй бафиддзысты, ууыл. Уыимæ ныртæккæйы базарады æргътæм гæсгæ. Фæнд кæнынц администрацимæ курдиат ныффыссын, цæмæй сын сæ зæххытæ приватизаци скæнын бауадзой, уый тыххæй. Разыйы дзуапп куы нæ райсой, уæд фæнд кæнынц сæ хъаст тæрхондонмæ бахæссын.

Фидараты Маринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: