филиал вгтрк государственная телерадиовещательная компания “Алания”

16:08 понедельник, 21 октября 2019
02 апреля, 16:58
1
5
Дзæуджыхъæуы администрацийы уыдис фембæлд проект «Не стыр Уæлахиз»-ы архайджытимæ
Дзæуджыхъæуы администрацийы уыдис фембæлд проект «Не стыр Уæлахиз»-ы архайджытимæ. Уазджытæн раарфæ кодта горæты минæвæртты æмбырды сæрдары фыццаг хæдивæг Зæнджиаты Чермен.

Радзырдта сын Дзæуджыхъæуы историйы тыххæй. Фыдыбæстæйы Стыр хæсты ветерантæ æрымысыдысты сæ хæстон цаутæ, фæнысан кодтой, ацы æппæтадæмон акцийæн стыр ахадындзинад кæй ис, уый. Уазджытæ та радзырдтой сæ балцы тыххæй, алы регионты сыл куыд æмбæлдысты, уый тыххæй. Æмбырды архайджытæ кæрæдзийæн скодтой зæрдылдарæн лæвæрттæ. Цæгат Ирыстоны минæвæрттæ автомобилон дугъы кадджын уæнгты чиныджы ныффыстой арфæйы ныхæстæ. Дарддæр машинæты колоннæ абалц кæндзæн Мæхъæлы республикæмæ. Акци фæуыдзæн 9-æм майы Мæскуыйы.

Зæнджиаты Чермен, Дзæуджыхъæуы минæвæртты æмбырды сæрдары фыццаг хæдивæг: «Нæ адæм цы хæст рамбылдтой, уый рох куыд нæ кæной кæстæртæ, уый тыххæй сарæзтой эстафетæ. Абон сты Ирыстоны, нæ хистæртæ дæр, кæстæртæ дæр сын зæрдиагæй раарфæ кодтой. Нæй рох кæнæн уыцы хæстæн, уыцы адæмæн, чи рамбылдта. Нæ кæстæртæ йæ куы нæ зоной, уæд мах дæр сæфтмæ цæуæм, нæ бæстæ дæр».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: