филиал вгтрк государственная телерадиовещательная компания “Алания”

01:49 суббота, 16 ноября 2019
02 апреля, 17:07
5
5
Рæзгæ фæлтæры ‘хсæн фыдракæндтæ къаддæр кæныны фарстатæм алывæрсыгæй æркаст æнахъом сывæллæтты хъуыддæгты фæдыл Хицауады сæрмагонд къамис йæ радон æмб
Рæзгæ фæлтæры ‘хсæн фыдракæндтæ къаддæр кæныны фарстатæм алывæрсыгæй æркаст æнахъом сывæллæтты хъуыддæгты фæдыл Хицауады сæрмагонд къамис йæ радон æмбырды. Амыдта йæ Хицауады сæрдары хæдивæг Таболты Сергей.

Статистикæ куыд амоны, уымæ гæсгæ, ивгъуыд азы цы фыдракæндтæ æрцыд, уыдонæй 148-ы аххосджын уыдысты æнахъом сывæллæттæ. Раздæр азтимæ абаргæйæ, уый у 12% къаддæр. Фыдгæнджытæн сæ фылдæр сты зынвадат бинонтæй. Уымæ гæсгæ, къамисы уæнгтæ фылдæр æргом аздæхтой фæкæсынхъуаг бинонтæм хъус дарыны фарстатæм, цæмæй сæ кæстæртæ исой æмбæлгæ социалон æххуыс. Ныридæгæн 354 бинонтимæ æмæ 493 сывæллонимæ цæуы профилактикон куыст.

Ныхас ма цыд скъоладзауты карз нозтмæ æмхиц кæныны фарстайыл. Ивгъуыд азы ахæм цаутæй рабæрæг 64. Таболты Сергей бадомдта, цæмæй алчидæр бæстон кæса, æнахъом сывæллæттæн нозт æмæ тамако уæй кæнынæн бар чи нæ дæтты, уыцы закъоны домæнтæ æххæст кæнынмæ. Фыдракæндты профилактикæйæн ахъаз у, скъоладзаутæн рæстæгмæ куыст кæй раттынц, уый. Къамис уый размæ цы уынаффæ рахаста, уымæ гæсгæ, адæмæн куыст дæттыны комитет кæй радих кæны, уымæй уæлдай ма бынæттон администрацитæ дæр хъуамæ бафтауой сæхи фиддонтæ. Фæлæ се ‘ппæт нæ сæххæст кодтой уыцы домæн. Æмбырды ма бафиппайдтой, цæмæй къамис йæ куыст фæахадгæдæр кæна.

Ногъайты Таисия, сывæллæтты барты фæдыл æххæстбарджын кусæг РЦИ-Аланийы Сæргълæууæджы цур: «Афтæ зæгъæн нæй, æмæ нæ республикæйы сывæллæттимæ нæ кусынц. Уæрæсейæ цы къамистæ æрбацæуынц, уыдон дис фæкæнынц, махмæ сывæллæттимæ куыд кусынц, ууыл. Павел Астахов дæр нæм цалдæр хатты уыд æмæ ма йæ телеуынынады дæр радзырдта, Ирыстоны цы куыст кæнынц, уый тыххæй, бинонтимæ куыд æнгомæй кусынц. Фæлæ афтæ зæгъæн нæй, æмæ алцыдæр æххæст æмæ хорз у. Абон къамис дзырдта сывæллæтты фыдракæндтыл. Иннæ азтимæ абаргæйæ, фæкъаддæр сты, фæлæ уæддæр мæн зæгъын фæнды, сывæллæттимæ цы министрадтæ æмæ ведомствотæ кусынц, уыдон хъуамæ æнгомдæрæй архайой кæрæдзийымæ. Фæнды ма мæ зæгъын республикæйы цæрджытæн. Федералон æмæ республикон закъонты загъд ис, цæмæй сывæллæттæн ма уæй кæной тамако æмæ карз нозт. Фæлæ уый нæ республикæйы ис. Æмæ мæ фæнды, цæмæй, сывæллонæн тамако кæнæ нозт кæй рауæй кодтой, уый чи фена, уый фæхабар кæна барадхъахъхъæнджытæм, æмæ ахæм уæйгæнæг баййафа æфхæрд».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: