филиал вгтрк государственная телерадиовещательная компания “Алания”

02:03 суббота, 16 ноября 2019
03 апреля, 11:13
3
5
Адæмы кæлæддзаг хæдзæрттæй ракæныны Федералон программæ æххæст кæнгæйæ Беслæны Гагарины уынджы 32 бинонтæ æрцæрдзысты ног фатерты
Адæмы кæлæддзаг хæдзæрттæй ракæныны Федералон программæ æххæст кæнгæйæ Беслæны Гагарины уынджы 32 бинонтæ æрцæрдзысты ног фатерты. Рагæй сæм æнхъæлмæ кастысты æмæ рæхджы сæ къухы бафтдзысты.

Ацы адæмæн сæ рагон бæллиц у, ног фатертæ райсын. 32 бинонтæ сæ царды уавæртæ фæхуыздæр кæнынмæ æнхъæлмæ кæсынц бирæ азты. Æмæ ныр, сæ хъуыддаг фæрæстмæ. Беслæны Гагарины уынджы 4 кæлæддзаг хæдзары цæрджытæ кæм æрбынат кæндзысты, уыцы ног хæдзары арæзтад кæронмæ фæхæццæ кæны.

Ныртæккæ кæм цæрынц, уыцы бæстыхæйттæ сты тæссаг. Арæзт æрцыдысты 30-æм азты, æмæ сын сæ уавæр уынæм. Цартæ бамбыдысты, фатерты хсæн — хъæдæй конд. Ног фатертæм бацæуынмæ сыл рæстæг ныддаргъ.

Арæзтад цæуы адæмы кæлæддзаг хæдзæрттæй ракæныны Федералон программæ æххæст кæнгæйæ. Ног хæдзæрттæ хъуамæ радтаиккой 2012 азы декабры. Бафæстиат сты арæзтад 6 мæйы сæ бон райдайын кæй нæ уыди, уый тыххæй.

Ныртæккæ арæзтад цæуы æнæрлæугæйæ. Хъуыддаг фæрæвдздæр кæныны тыххæй сын æххуыс кæнынц уæлæмхасæн бригадтæ.
Куыстытæн сæ 90% фесты. Алы бинонтæ дæр райсдзысты сæ раздæры квадратурæмæ гæсгæ. Хæдзæртты алыварс саив кæнын программæйы пъланмæ нæ хауы. Кæртыты куыстытæ цæудзысты Рахизфарсы районы администрацийы хардзæй.

Бирæ азты размæ ацы хæдзæрттæ лæвæрдтой Беслæны маисон комбинаты кусджытæн. Фæлæ, рæстæгмæ. Уæдæй нырмæ чи æнхъæлмæ кæсы, уыдон ма мæй фæлæууынмæ дæр цæттæ сты. Сæ зæрдæ дарынц, тагъд ног фатерты кæй æрцæрдзысты, ууыл. Æмæ хуымæтæджы нæ.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: