филиал вгтрк государственная телерадиовещательная компания “Алания”

16:04 понедельник, 21 октября 2019
03 апреля, 11:20
9
5
УФ-йы хицауады уынаффæмæ гæсгæ автомобилон скъолаты фæлварæнтæ дæтдзысты ног домæнтæм гæсгæ — «ГЛОНАСС»-ы системæйæ пайдагæнгæйæ
Фæстаг рæстæг фæндаггон фыдбылызтæ кæй сарæх сты, уый бирæты сагъæсы æфтауы. Министрадтæ æмæ ведомствæтæ кусынц уавæр банывыл кæныныл. Фæлæ специалистты хъуыдымæ гæсгæ, сæйрагдæр у, цæмæй шофыртæ хорз зоной æмæ æххæст кæной фæндæгтыл цæуыны æгъдæуттæ æмæ сæ зонындзинæдтæ сбæрæг кæныны тыххæй дæттой фæлварæнтæ. Ныр Уæрæсейы хицауады уынаффæмæ гæсгæ автомобилон скъолаты фæлварæнтæ дæтдзысты ног домæнтæм гæсгæ — «ГЛОНАСС»-ы системæйæ пайдагæнгæйæ.

Хæххон аграрон университеты автодром байгом 3 азы размæ. Дзуапп дæтты нырыккон домæнтæн, ис дзы æппæт фадæттæ дæр машинæйыл цуынæн сахуыр кæнынæн æмæ бардæттæг гæххæттытæ райсынæн.

УФ-йы хицауады уынаффæмæ гæсгæ, æдасдзинады домæнтæ сæххæст кæнынæн, ныртæккæ æппæт автомобилон скъолатæ хъуамæ ифтонг уой «Глонасс»-ы системæйæ. Аграрон университеты полигоны дæр фæзынд. Уымæй сын баххуыс кодта УФ-йы ахуырады æмæ наукæйы министрад. Машинæтыл цæуынæн шофырты цæттæгæнæн скъолаты хсæн конкурс куы расидт, уæд дзы архайдтой æмæ дзы систы уæлахиздзаутæ. Уымæ гæсгæ сын абон æххуыс кæнынц скъола хъæугæ кусæнгæрзтæй сифтонг кæнынæн. Инструктортæ æмæ ахуыргæнджытæ куыд зæгъынц, афтæмæй йæ ахадындзинад бирæ у.

Ацы системæ фæлварæнты хатдзæгтæ бæрæг кæны æнæ инструкторæй. Ахуыргæнджытæ йæм бахæссынц, фæлварæн чи дæтты, уый ном, мыггаг æмæ æндæр хи бæрæггæнæнтæ, стæй компьютер йæхæдæг саразы кæронбæттæн протокол. Уый фыст æрцæуы, шофыр машинæйыл цæугæйæ, цы рæдыдтытæ скодта, фæндагыл куыд цыд, суанг ма машинæйы рухсытæ афоныл æмæ раст ссыгъта æви нæ, уый дæр.

Паддзахадон автоинспекцийы экзаменацион хайады хистæр инспектор Беккузарты Феликсы ныхæстæм гæсгæ, фæлварæнты рæстæг «Глонасс»-ы системæйæ пайда кæнын кæй райдыдтой, уый хорз у. Афтæмæй шофыр хуыздæр бамбары фæндæгтыл цæуыны æгъдæуттæ æмæ нысантæ, машинæйыл куыд цæуын хъæуы, уый. Фæлварæнтæ куыд цæуынц, уымæй дæр разы сты.

Ныртæккæ Хæххон Аграрон университеты автодром ис Уæрæсейы шофырты цæттæгæнæн 8 Федералон центры номхыгъды. УФ-йы ахуырады æмæ наукæйы министрад полигонтæ дарддæр дæр ифтонг кæндзæн нырыккон кусæнгæрзтæй æмæ техникæйæ. Афтæ хæстæгдæр рæстæг автодромы æмæ сæ машинæты фæзындзысты видеоцæстдарды камерæтæ.

Зыхъуаты Жаннæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: