филиал вгтрк государственная телерадиовещательная компания “Алания”

16:03 понедельник, 21 октября 2019
03 апреля, 17:33
1
5
«Ирыстоны намысы майдан»-æй абон хорзæхгонд æрцыд зындгонд ирон фыссæг Малиты Васо

«Ирыстоны намысы майдан»-æй абон хорзæхгонд æрцыд зындгонд ирон фыссæг Малиты Васо.

Цæгат Ирыстоны сæргълæууæг Мамсыраты Таймуразы бардзырдмæ гæсгæ поэтæн кадджын уавæры хæрзиуæг радта республикæйы культурæйы æмæ дзыллон коммуникациты министр Хæбæлаты Фатимæ.

Малиты Васо йæ фыццаг æмдзæвгæ ныффыста 1955-æм азы. 63-æгæмы рухс федта йæ фыццаг æмбырдгонд «Фат æмæ `рдын». Дыууæ азы фæстæ та рацыд чиныг «Мæйдар æхсæв». Æмбырдгондмæ хаст æрцыдысты новеллæтæ æмæ уацаутæ. 1966-æм азы Тæбæхсæуты Балойы номыл ирон театры сæвæрдтой Васойы пьесæмæ гæсгæ спектакль «Калм æмæ хъисын фæндыр». Фыссæг фылдæр æргом здахы адæмы удварн æмæ моралон сыгъдæгдзинадмæ, æмæ йе сфæлдыстады зынынц ирдæй.

Хæбæлаты Фатимæ, РЦИ–Аланийы культурæйы æмæ дзыллон коммуникациты министр: «У тынг фæзминаг хистæр. Васойы æмдзæвгæтæ сты цымыдисаг, бирæ фæлтæртæ сыл кæй ахуыр кæнынц æмæ кæндзысты уый дызæрдыггаг нæу».

Малиты Васо, фыссæг, поэт: «Мæ фæллойæн мын ахæм аргъ кæй скæндзысты, уый æнхъæл нæ уыдтæн. Бузныг нæ республикæйы сæргълæууæгæн, нæ культурæйы министрæн, ахæм кад мын кæй скодтой, уый тыххæй».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: