филиал вгтрк государственная телерадиовещательная компания “Алания”

16:11 понедельник, 21 октября 2019
04 апреля, 11:23
6
5
Нæ республикæйы фермертæ хъаст кæнынц, сæ бон кредиттæ райсын кæй нæу, ууыл
Нæ республикæйы фермертæ хъаст кæнынц, сæ бон кредиттæ райсын кæй нæу, уый тыххæй. Æнæ ‘хцайæ æмæ сын æнæ паддзахады æххуысæй зын у сæ къæхтыл слæууын æмæ продукци уадзын.

Уымæй уæлдай ма банкты бацагурынц бæлвырд фæткмæ гæсгæ арæзт гæххæттытæ. Ныртæккæ Цæгат Ирыстоны агропромышленнон комплексы хыгъды ис 1000 фермерон хæдзарадæй фылдæр. Æрмæст фарон паддзахадæн радтой 180 000 тонны мæнæу, 30 000 тоннæйы та картоф. Фæлæ дзы уæддæр бирæтæн хъæуы æххуыс. Растдæр зæгъгæйæ, та — кредит!

Цæмæй йæ райсой, уый тыххæй сæ банкты бацагурынц хæдзарады бухгалтерон хыгъд. Фæлæ йæхи фаг дæр чи нæ кæны, уыцы фермермæ бухгалтер кæцæй хъуамæ уа. Уымæ гæсгæ арæх се фтиæгты æмæ сæ хæрдзты тыххæй информаци сæ бон раст раттын нæ вæййы.

2013 азы хъæууонхæдзарадон банкмæ курдиæттимæ æрбацыд 35 фермеры. Кæд сæ гæххæттытæ æмбæлгæ хуызы арæзт вæййынц, уæд сын раттынц æхца, кæд – нæ, уæд хъастгæнджытæ сæ фæндаг акæнынц хъæууонхæдзарадон министрадмæ æмæ æндæр ведомствæтæм.

Бæрнон кусджытæн фермæрты фарстатæ æнæзонгæ не сты. Ис сæм хъуыдытæ куыд сын баххуыс кæнæн ис, уый тыххæй.

Уымæй уæлдай ма фермертæн баххуыс кæнæн ис районты гарантион фондтæ саразгæйæ. Уый фадат ратдзæн чысыл куыстуæтты фарс рахæцынæн. Афтæмæй банктæ дæр дызæрдыг нæ кæндзысты, се ‘хца сын фæстæмæ ратдзысты æви нæ, ууыл. Фермертæ дæр фидынхъом уыдзысты чысыл кредиттæ, къаддæр проценттæ фидын сæ кæй хъæудзæн, уымæ гæсгæ.

Зыхъуаты Жаннæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: