филиал вгтрк государственная телерадиовещательная компания “Алания”

23:14 воскресенье, 17 ноября 2019
04 апреля, 11:24
6
5
Дзæуджыхъæу рæзы. Ногарæзт бирæуæладзыгон хæдзæрттæ кæнынц фылдæр
Алчидæр нæ æвдисæн у, Дзæуджыхъæу кæй рæзы, уымæн. Ногарæзт бирæуæладзыгон хæдзæрттæ кæнынц фылдæр. Алкæй дæр фæнды йæхи хæдзары кæнæ фатеры цырын. Фæлæ арæзтадон компаниты аргътæ базонгæйæ, бирæтæн сæ ныфс асæтты, уымæн æмæ сæ бон нæ вæййы , ахæм цæрæнуæттæ балхæнын.

Алы адæймаг дæр йæ ног хæдзарыл бацин кæндзæн. Галинæ Шоева дæр афтæ. Æмæ кæд стыр агъуыстытæ æфснайын æнцон нæу, уæддæр зæрдæ райы… Уымæй уæлдай ма сæ гаражмæ бафтыдтой иу агъуыст, хæдзары хицау æй йæхæдæг самадта, æмæ ныр сæ авналæнтæ ноджы фæфылдæр сты. Куыд зæгъынц, афтæмæй, хи хæдзар хорз уымæй у – æмæ йæм ис бафтауæн, кæнæ аивæн. Афтæ ма сæхæдæг цары скодтой 120 квадратон метры мансардæ.

Галинæ Шоева: «Иууылдæр æнхъæлмæ кастыстæм, ног хæдзармæ кæд балиддзыстæм, уымæ. Рагæй бæллыдыстæм уыцы æхсызгон хъуыддагмæ, нæ иумæйаг бæллиц уыд. Ныр æм сабыргай зилæм, кæнæм æй куыд нæ хъæуы, афтæ».

Микрорайон «Вишневый сад»-ы ис 300 коттеджы. Бирæты дзы цæуынц цалцæггæнæн куыстытæ. Цæргæ та уал дзы кæнынц 30 бинонтæ. Микрорайон аразджыты ныхæстæм гæсгæ, ахæм хæдзæрттæ адæмы зæрдæмæ цæуынц. Кæд аслам не сты, уæддæр сæ æлхæнынц. Уыимæ алы къабæзты кусджытæ.

Уæвгæ «Вишневый сад»-ы бынат дæр бирæтæн у зæрдæмæдзæугæ. Генералон пъланмæ гæсгæ дзы ис хорз инфраструктурæ, фæндæгтæ, дуканитæ. Æппæт коммуникацитæ: доны, газы хæтæлтæ, рухсы телтæ – иууылдæр ауагътой зæххы бын æмæ уый дæр æнцондæр кæны адæмы цардыуаг. Уынгтæ фæрæсугъддæр сты.

Хæдзæрттæ арæзт сты 20 алыхуызон дизайнерон проекттæм гæсгæ. Цавæр уыдзæн æмæ йæ куыд фæаивдæр кæнæн ис, уый фидæны хæдзары хицæуттæ аразджытимæ бæрæг кодтой рагагъоммæ. Сæхæдæг æрхъуыды кодтой уынгты нæмттæ дæр. Ныр дзы ис Цветочный бульвар, Абрикосовая, Тенистая, Сиреневая æмæ æндæр уынгтæ. Хæстæгдæр рæстæг ма микрорайоны фæзындзысты спортивон зал, кафе, машинæтæн лæууæн бынæттæ. Аразджыты сæйраг хæс у – адæмæн зæрдæмæдзæугæ хæдзæрттæ саразын.

Гъуырцъыты Æхсар, æнæххæстбарджын æхсæнад «Спецтепломонтаж»-ы хайады хицау: «Æппæты фыццаг нæ хæдзæртты хицæндзинад сæ фæзуат у. Зынаргъ хæдзæрттæ Цæгат Ирыстоны арæх æмбæлынц. Хæдзары алыварс æхгæд фæзуат, бæрзонд цартæ, стыр æмæ райдзаст агъуыстытæ. Уымæй уæлдай ма нæ хæдзæртты ис «францусаг» руыдзгуытæ».

Дзæуджыхъæуы бирæ районты ныртæккæ цæуы арæзтад. Сæ фылдæр зынаргъ фатертæ æмæ хæдзæрттæ. Æмæ кæд сæ аргъ 2 милуанæй — 7 милуан сомы онг у, уæддæр æлхæнæгхъуаг не сты.

Базарадон экономикæйы домæн та у — цалынмæ æлхæнæг уа – уæдмæ арæзт цæудзысты зынаргъ хæдзæрттæ дæр.

Гюльнара Атемова

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: