филиал вгтрк государственная телерадиовещательная компания “Алания”

23:20 воскресенье, 17 ноября 2019
04 апреля, 17:12
14
5
Парламенты Совет æркаст 60 фарстамæ
Абон Парламенты Совет æркаст 60 фарстамæ. Радон æмбырд амыдта Парламенты сæрдары фыццаг хæдивæг Къесаты Станислав.

Депутаттæ сразы сты административон æгъдаухæлдтыты тыххæй кодексмæ ивддзинæдтæ бахæссыныл, цæмæй карздæр æфхæрд æййафой, æфсæнвæндаджы транспортæн знаггад чи хæссы, стæй, поезды цæугæйæ, цардæн тæссаг митæ чи кæны, уыдон. Æркастысты «Бынæттон хиуынаффæйады бындурты фæдыл» закъонмæ ивддзинæдтæ бахæссыны фарстамæ. Уыдонмæ гæсгæ, бынæттон хиуынаффæйады администрацитæн хъуамæ бар уа цæрæгойтæ дарыны уагæвæрдтæ фидар кæнынæн, стæй сæ чи хала, уыдон æфхæрынæн. Растыл ма банымадтой «Хъæууон хæдзарады рæзты тыххæй» федералон закъонмæ ивддзинæдтæ бахæссыны хъæппæрис. Йæ мидис у – субсидитæ дих кæнын, нырыккон технологитæ чи æлхæны, уыцы хъæууонхæдзарадон куыстуæттæн. Совет æрдзырдта ахсджиаг закъоны проектыл. Уый ивддзинæдтæ хæссы Уæрæсейы Хъалонты Кодексмæ. Афтæмæй фæбæрзонддæр уыдзысты, сывæллæттæ кæмæн ис, уыцы ныййарджытæн сæ хъалонтæй цы фиддонтæ раздахынц, уыдоны бæрц.

Хæдарцаты Аслæнбег, РЦИ-Аланийы Парламенты бюджеты, хъалонты æмæ исбоны комитеты сæрдар: «Цы закъонты проекттæм æркастыстæм, уыдонæй ахсджиагдæртæй иу баст у, ныййарджытæн сæ хъалонтæй кæй раздахынц, уыцы фиддонтæ кæй фæбæрзонддæр уыдзысты. 2 сывæллоны кæмæн и, уыдонæн уыдзæн 2 мины, 3 сывæллоны æмæ уымæй фылдæр кæмæн и, уыдонæн та 4 мины. Хуыцау алкæйы дæр дзæбæхæй уадзæд, фæлæ нæм рынчын сывæллæттæ дæр ис, æмæ уыдонæн сæ мызд фæфылдæр кодтой 12 мины онг. Уый æппæтæй ахсджиагдæр у. Уымæн æмæ рынчын сывæллæттæм фылдæр хъус дарын хъæуы, æхсæвæй-бонæй сæм зилын хъæуы, хостæ æлхæнын сын хъæуы. Ныййарджытæн дæр сæ мызд 700-йæ фæфылдæр уыдзæн».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: