филиал вгтрк государственная телерадиовещательная компания “Алания”

18:53 понедельник, 21 октября 2019
04 апреля, 17:29
1
5
Цæгат Ирыстонæн хъуамæ ногæй уа «Хæстон цауты бæстæйы» статус
Цæгат Ирыстонæн хъуамæ ногæй уа «Хæстон цауты бæстæйы» статус.

Ахæм фарстайыл ныхас цыд республикæйы Коммунистон партийы æмбырды. «Адæм хъуамæ зоной историон рæстдзинад æмæ 1992 азы хæстон цауты чи архайдта, уыдон рох ма уой» — загътой æмбырды архайджытæ.

92-æм цауты архайджыты куырдиаты æмæ хъæппæрисы фарс рахæцыдысты Паддзахадон Думæйы депутаттæ дæр.

Бæлвырд закъоныпроектмæ сæ фæнды бахæссын ивддзинæдтæ, цæмæй республикæ нымад уа хæстон цауты бæстæйыл, чи дзы архайдта, уыцы æфсæддонтæ æмæ бархионтæ та – ветерантæ. Иу цасдæр рæстæджы размæ æфсæддонтæй кæмæндæрты лæвæрд æрцыд хæстон архайæджы ветераны ном, фæлæ сæ айстой.

Ныр Мамсыраты Таймуразы уынаффæмæ гæсгæ хъуыддаг хъуамæ аива. Сæрмагонд ведомствæтæ бакодтой стыр куыст æмæ ныр 4 500 адæймаджы хъуамæ нымад æрцæуой хæстон архайджыты ветерантыл.

«Сæйрагдæр та уый у, цæмæй закъонмæ цы ивддзинæддæтæ бахæссын курынц, уыдонимæ иууылдæр уой разы æмæ æрцæуой иу хъуыдымæ» — загътой æмбырды архайджытæ.

Къесаты Станислав, РЦИ-Аланийы парламенты сæрдары фыццаг хæдивæг: «Бирæты нæ фæнды, цæмæй уыцы закъоны бындурыл фидаргонд æрцæуа, цæмæй йæ парламентмæ рахæссой, уый. Афтæ куы æрцæуа æмæ закъон куы сфидар кæной, уæд йæ фæдыл цы сайы – цæмæй дзы чи архайдта, уыдонæн лæвæрд æрцæуа ном «хæстон цауты архайæг». Уæд сæм хаудзæн льготæтæ дæр, алыхуызон лæггæдтæ дæр. Ома, сын паддзахад хъуамæ дæтта цы æмбæлы, уый. Æмæ æрмæст æхца нæ, фæлæ сын баххуыс кæнæн цæмæй ис, уыдон иууылдæр. Æмæ мæм куыд, афтæмæй хъуамæ рауайæ уыцы хабар»

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: