филиал вгтрк государственная телерадиовещательная компания “Алания”

13:58 пятница, 15 ноября 2019
05 апреля, 14:18
3
5
Уæрæсейы скъоладзаутæн иухуызон уæлæдарæс. Ацы хъуыды зыгъта нæ бæстæйы президент Владимир Путин
Уæрæсейы скъоладзаутæн иухуызон уæлæдарæс. Ацы хъуыды зыгъта нæ бæстæйы президент Влаимир Путин. Уæвгæ, нæ республикæйы ахуырдзаутæ ныр цалдæр азы дарынц иухуызон уæлæдарæс. Цавæр – уый та сæ бон равзарын у скъоладзаутæн, сæ ныййарджытæн æмæ сæ ахуыргæнджытæн иумæ. Ис цалдæр хуызы уæлæдарæс куыд лæппутæн, афтæ чызджытæн дæр. Сты фидаргон официалон æгъдауæй.

Морæ къаба æмæ урс, кæнæ сау раздарæн. Лæппутæн та урс хæдон, костюм æмæ галстук. Дзæуджыхъæуы 38-æм скъолайы ацы фæтк хæлд никуы æрцыд. Иухуызон уæлæдарæс кæй ис скъоладзаутæн, уый сыл хорзырдæм ахады, зæгъынц ныййарджытæ æмæ ахуыргæнджытæ.

Тотыккаты Еленæ, Дзæуджыхъæуы 38-æм скъолайы математикæйы ахæуыргæнæг: «Формæйы хорздзинад уым ис, æмæ сывæллæттæ кæрæдзимæ кæсгæйæ, кæрæдзимæ нæ хæлæг кæнынц. Формæ у рæсугъддзинад. Йæ уындæй зæрдæ райы ныййарджытæн нæ, фæлæ ма махæн дæр, ахуыргæнджытæн».

90-æм азты ахуырдзаутæ скъоламæ цыдысты, цы дарæсы сæ фæндыд, ахæмы. Нæ республикæйы уавæр аивта 2010-æм азы. Се ппæт скъолаты дæр сразæнгард кодтой иухуызон уæлæдарæс дарыны фæтк саразынмæ.

Къæбулты Гаянæ, Дзæуджыхъæуы администрацийы ахуырады управленийы специалист: «Скъоладзаутæн сæ социалон статус иухуызон кæны. Мæнæ ныртæккæ цы хъуыды вæййы, чидæр хъæздыгдæр у, чидæр та хъæздыгдæр у, уый дзы нæй. Иууылдæр сты иухуызон, иу формæ дарынц, рæсугъд, аив».

Гом акционерон æхсæнад «Одежда»-йы скъоладзаутæн ис алыхуызон уæлæдарæс. Зæгъæм, æрмæст къабаты хуызтæ дзы ис 6. Уæдæ дзы лæппутæн дæр сæ бон равзарын у, цавæр хъуымац фылдæр цæуы сæ зæрдæмæ, ахæмæй хуыд костюм. Зæгъæм, поливискозæ, полиэстер æмæ тæбын хæццæ хъуымæцтæй. Ацы куыст дзаумæттæ хуыйæн фабрикæ кæны ныр 10 азæй фылдæр. Цæгат Ирыстоны ахуырады æмæ наукæйы министрады нырмæ скъолатæй нæ домдтой иумæйаг формæ дарын. Фæлæ ныр ацы хъуыддаг фæнд кæнынц æнæмæнг домæн скæнын.

Тотраты Владислав, РЦИ-Аланийы ахуырады æмæ наукæйы министры фыццаг хæдивæг: «Мах ацы аз фарста хъуамæ рахæссæм хицауады размæ, цæмæй алы скъоладзау дæр скъоламæ цæуа иухуызон уæлæдарæсы. Ныййарджыты хъуыдытæ дæр базондзыстæм æмæ равзардзыстæм, сæ зæрдæмæ чи цæуы, ахæм».

Алы скъолайæн дæр ис, хуыздæр сæм цавæр уæлæдарæс кæсы, ахæм равзарыны фадат. Фылдæр æргом здахын хъæуы уымæ, цæмæй уæлæдарæс канд рæсугъд ма уа, фæлæ ма дзуапп дæтта санитарон домæнтæн, сывæллæттæн уа æнцон дарæн.

Гугкаты Иринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: